Gjepalaj, Rama: 58 familje, do ta festojnë Vitin e Ri nën strehën e rindërtuar!

Kryeministri Edi Rama ka vizituar 58 familje në Gjepalaj të Shijak të cilave u janë rindërtuar shtëpitë e shkatërruara nga tërmeti i 26 Nëntorit 2019 dhe vitin e ri pritet ta festojnë në shtëpitë e reja.

“Në shtëpitë e reja të familjeve Gjepali, Rusi, Doda që si edhe 58 familje të kësaj njësie, e plot 400 gjithsej në bashkinë e Shijakut, do ta festojnë Vitin e Ri nën strehën e rindërtuar,” shprehet Kryeministri Edi Rama pas vizitës në këto familje duke përfunduar:

“Pas një mundimi e durimi të madh, do të jetojnë në kushte pakrahasimisht më të mira se ato që kishin një vit më parë.”