Gjermani, incidenca e hospitalizimeve kriter për masat kufizuese

Në kulmin e rritjes së numrit të infeksioneve federata dhe landet duan të luftojnë pandeminë duke ashpërsuar masat. Incidenca e hospitalizimit ose numri i shtrimeve në spital për 100.000 banorë do të jetë kriteri i ri për vendosjen e rregullave ndaj koronavirusit në Gjermani. Nga vlera tre në një land do të hyjë në fuqi në masë rregullorja e 2G, që do të thotë paraqitja për pjesëmarrje në aktivitete e dëshmisë së vaksinimit apo shërimit, tha kancelarja Angela Merkel në mbyllje të konferencës së kryeministrave të landeve. Në vlerën nëntë do të vendosen edhe masat kufizuese për kontaktet mês njerëzve.

Rregulli 2G nënkupton që në aktivitete publike mund të marrin pjesë vetëm persona që dëshmojnë se janë të vaksinuar apo të shëruar nga COVID-19. Ndërsa me një incidencë hospitalizimi gjashtë do të hyjë në fuqi rregullorja 2G-Plus që do të thotë, se vetëm të vaksinuarit dhe të shëruarit duke paraqitur edhe një test negativ mund të lejohen në aktivitete. Këto të gjitha vlejnë për aktivitete të kohës së lirë, mjediset e gastronomisë, shërbimet me kontakt fizik dhe dhe hotelet.

Vendimi i kryeministrave të landeve dhe federatës përfshin gjithashtu zgjatjen e afatit të ndihmave për ndërmarrjet e prekura nga kriza. Federata dhe landet do ta zgjasin deri në fund të marsit 2022 ndihmën e parashikuar fillimisht për deri në fund të këtij viti. Gjithashtu planifikohen edhe ndihma për tregjet e Krishtlindjeve, që mund të preken prej masave mbrojtëse ndaj COVID gjatë javëve të ardhëshme.

Vaksinim i detyrueshëm për personelin e klinikave dhe strehimoreve

Federata kërkon gjithashtu detyrimin për vaksinim ndaj koronavirusit për personelin e spitaleve si dhe të strehimoreve të të mosuarve dhe grupeve të tjera të personave nën kujdestari. Landet i kërkojnë federatës që mundësisht „sa më shpejt të aplikojë detyrimin për vaksinim”.  Si instrument akut për kufizimin e pandemisë konsiderohet rifreskimi i vaksinimit me dozën e tretë. Sipas të dhënave të pjesëmarrësve në konferencë, Merkel përmendi gjatë konsultimeve si objketiv që së shpejti të ofrohen 27 milionë vaksina. Për këtë krahas klinikave private të mjekëve të familjes duhet të krijohen edhe më shumë mjedise për vaksinim. Deri tani 4,8 milionë njerëz kanë marrë dozën e tretë të vaksinës në Gjermani.

Kancelarja megjithatë mendon, se këto mas anuk janë të mjaftueshme as duhet. Për 9 dhjetorin është planifikuar një tjetër takim i federatës dhe landeve.

“Do të kemi vërtetë një festë të tmerrshme Krishtlindjesh, nëse nuk marrim masa tani”, tha Presidenti i Instituti Robert Koch, RKI, Lothar Wieler, i cili paraqet një gjendje dramatike të situatës me koronavirusin në Gjermani. Numri i infektimeve të reja rritet vazhdimsiht dhe mund të jetë shumë më i larta nga sa dihet. ëieler bën të qartë, se ka kohë që nuk regjistrohen më të gjitha rastet. “Mosregjistrimi i rasteve po shtohet.”

Megjithatë ka edhe masa kundër. Komisioni Përherhsëm i Vaksinimit, Stiko, rekomandon që personat mbi 18 vjeç të vaksinohen sërish për rifreskim kundër COVID-19. Vaksinimi i ashtuquajtur Booster duhet të bëhet me një distancë kohore gjashtë muaj pas vaksinës së dytë, njofton Stiko. Ndërkohë në Gjermani janë vaksinuar rreth 4.8 milionë vetë për herë të tretë – 67.8 për qind e popullsisë është e vaksinuar plotësisht ndaj koronavirusit.

“Gjendja e zymtë”

Dje RKI njoftoi shifrën më të lartë të infeksioneve të reja me 65.371. Incidenca shtatëditore ka arritur gjithashtu nivelin më të lartë me mbi 340 për 100.000 banorë në shtatë ditë (ndë. Por përveç infeksioneve të reja që regjistrohen çdo ditë ka edhe dy ose tri herë më shumë raste të paregjistruara, thotë presidenti i RKI në një diskutim online me kryeministrin e landit të Saksonisë Michael Kretschmer. Së fundi kanë ndërruar jetë 0,8 përqind e të sëmurëve. Nga të infektuarit sot javët e ardhshme mund të vdesin mbi 400 vetë. “Këtë nuk mund ta ndryshojmë më.”

Numri i pacientëve të sëmurë rëndë me COVID po rritet, për njerëzit me hemoragji cerebrale apo të tjera sëmundje të rënda në spitale të ndryshme ndonjëherë duhet pritur deri në dy orë për të gjetur shtrat në pavione të shërimit intensiv. “përkujdesja ndërkohë në të gjitha landet nuk i përgjigjet nomës.” E situata mund të shkojë edhe më keq. “Parashikimet janë tëpër të zymta”, tha Wieler.

Kryeministri i Renanisë Veriore-Vestfalisë Hendrik Wüst deklaron me tone të ngjashme: “Ne në këtë pandemi kemi arritur fare pranë gjendjes, që nuk deshëm asnjëherë të krijohet, konkretisht që spitaleve t’u duhet të vendosin, se kush duhet trajtuar më parë”, tha politikani kristiandemokrat për edicionin e lajmeve Tagesthemen në ARD.

“Nuk ka shkas për panik”

Më pak dramatike e sheh situatën kryetari i shoqatës së mjekëve të arkave publike të shëndetësisë Andreas Gassen: “Gjendja është e vështirë, por nuk ka shkas për panik”. Sipas tij, spitalet dhe klinikat e mjekëve të familjes janë prej muajsh të mbingarkuara. Por faturat e pagesave janë më të pakta krahasuar me periudhën e pikut të valës së tretë të koronavirusit. “Ka ende rezerva të mjaftueshme”, thotë Gassen./DW/