Gjermani, ndërtimi ka nevojë për forca pune

Industria e ndërtimit kritikon marrëveshjen e koalicionit ndërmjet CDU/CSU dhe SPD lidhur me përgjysmimin e kontigjentit të forcave të punës nga vendet e Ballkanit Perëndimor.

Vendimi, për ta përgjysmuar kontigjentin e forcave të punës nga rajoni i Ballkanit Perëndimor është befasues dhe i dëmshëm për degën e ndërtimit, tha Drejtor i përgjithshëm i Shoqatës qendrore të Industrisë gjermane të Ndërtimit, Tim-Oliver Müller, gazetave “Stuttgarter Zeitung” dhe “Stuttgarter Nachrichten”. Ai iu referua projekteve të planifikuara për infrastrukturën, “që parashikojnë nevoja në rritje për forca pune”.

Një pjesë e konsiderueshme e të punësuarve të huajnë sektorin e ndërtimit vjen nga vendet e ish-Jugosllavisë, tha Müller. “Zvogëlimi i kontigjentit të rregullores për Ballkanin Perëndimor në maksimumi 25.000 forca pune e prek rëndë ekonominë e ndërtimit.”

Rregulloja e Ballkanit Perëndimor: Kushte të thjeshtuara për vizën dhe lejen e punës

Vendet e Ballkanit Perëndimor janë Shqipëria, Bosnje-Hercegovina, Kosova, Mali i zi, Maqedonia e Veriut dhe Serbia. “Migracioni i rregullt në Gjermaninë kuadër të së ashtuquajturës rregullorja e Ballkanit Perëndimor do të kufizohet me 25.000 persona në vit”, thuhet në marrëvshjen e koalicionit.

Aktualisht bazuar në këtë rregullore numri i forcave të punës që tërhiqen në vit nga këto vende është rreth 50.000. Ky kontigjent vjen me kushte të thjeshtuara për dhënien e vizës dhe lejen e punës në Gjermani. Njohja e kualifikimit profesional në Gjermani nuk është kusht./DW/