Gjermania do të humb 265 mld dollarë për shkak të luftës në Ukrainë

Ekonomia gjermane do të humb më shumë se 265 miliardë dollarë në vlerën e shtuar deri në vitin 2030 për shkak të luftës në Ukrainë dhe çmimeve të larta të energjisë.

Sipas studimit të Institutit për hulumtimin e punësimit, IAB, prodhimi i brendshëm bruto, GDP, i Gjermanisë i harmonizuar me çmime do të jetë 1.7 për qind më i ulët në vitin 2023, kështu që do të kemi rreth 240.000 të punësuar më pak.

Hotelieria më e goditura

Pritet që punësimi do të ngelet në të njëjtin nivel deri në vitin 2026, kur masat ekspansive gradualisht do të fillojnë të ngadhnjejnë mbi efektet negative dhe do të sjellë rritjen deri në 60.000 të punësuar në vitin 2030, raporton Sky News.

Humbësi më i madh do të jetë hotelieria e cila është goditur rëndë nga pandemia e koronavirusit, dhe do ta ndjejë rënien e madhe të fuqisë blerëse të konsumatorit.

Do të goditet shumë edhe sektori energjetik, industria kimike si dhe prodhimi i metaleve.

Nëse çmimet e energjisë, që deri më tani u rritën për 160 për qind, përsëri dyfishohen, prodhimi gjerman mund të pësoj rënie në vitin 2023 deri në 4 për qind, shumë më e ulët se sa mos të kishte luftë.