Gjilani mbyll aventurën e parë në Europa League

Gjilani e ka mbyllur aventurën e tijë të parë në Evropë, pasi sonte u mposht nga APOEL e Qipros, me rezultat 0-2 në lojën shtesë, pasi që koha e rregullt u mbyll pa gola në “Fadil Vokrri”.

Gjilanasit dhe skuadra qipriote u përballen në kuadër të kualifikueseve në Europa League.

Skuadra mysafire, e cila edhe llogaritej favorite në këtë duel, ka pasur iniciative në terren shumicën e kohës, duke kërkuar më shumë golin, por nënkampionët e Kosovës, nuk u thyen deri në minutën e 112-të kur rezervisti Efrem gjeti rrugën e golit për të kaluar në epërsi skuadrën mike.

Skuadra gjilanase më shumë ishte e përqendruar në mbrojtje, duke krijuar vetëm dy raste të rrezikshme.

Ndërkaq, APOEL, e cila është 28-të herë kampion i Qipros, në minutën e 116-të përmes Ndongala dyfishoi avantazhin në 2-0, duke shuar gjasat e skuadrës sonë për të barazuar rezultatin.  

Bazuar në lojën e treguar në terren, APOEL me meritë fitojë këtë sfidë, duke u kualifikuar në rundin tjetër të Europa League, derisa për ekipin e Mezanit, këtu mbyllet aventura në këtë Evropë.