GJKKO pezullon nga detyra Ballukun, Edi Rama: Pushtet i ri, reflekse antidemokratike!
Deri dje ishte reforma më e mirë në historinë e shtetit shqiptar, por, në momentin kur insititucionet e krijuara nga kjo Reformë në Drejtësi trokitin në derën e Kryeministri Edi Rama ndryshojnë vlerësimet, cilësohet pushtet i ri me reflekse antidemokratike, ndërsa refuzon ti përgjigjet vendimit të pezullimit të Zv/Kryeministres Belinda Balluku nga GJKKO duke e konsideruar arbitraritet!
“Pavarësia e gjyqësorit nuk është një manovër politike dhe asnjë eksperiment i përkohshëm, por shkëputje historike nga e kaluara. E realizuar vetëm në vitet e fundit kjo pavarësi i ka sjellë një risi absolute në jetën institucionale të Shqipërisë dhe zhvillime të padiskutueshme pozitive. Duke filluar nga një fakt i pakundërshtueshëm, varrosja e pandëshkueshme risë. Por ka shfaqur edhe dobësitë e një pushteti të ri, fëminor nga mosha dhe reflekse të vjetra antidemokratike.
Së dyti dua të theksoj se pavarësisht dhe përtej kostove të larta
Siç thotë edhe një fjalë e mençur, kurrë nuk duhet hedhur fëmija bashkë me ujin e pistë.
Këtu vij tek e treta, pezullimi nga detyra e një ministri dhe në këtë rast zv/kryeministri, është një tjetër shfaqje e atyre dobësive që përmenda më lart, të një pushteti krejt të ri dhe refleksve antidemokratike.
Ky është një rast unikal në historinë e Evropës dhe po ashtu edhe në historinë e trupave speciale të drejtësisë që janë krijuar në proceset integruese, që nuk ka ndodhur kurrë që një prokuror dhe një gjykatës të mblidhen dhe të pezullojnë një anëtar qeverie. Por nëse një prokuror dhe gjykatës special, i shkallës së parë kanë vendosur të pezullojnë një ministre.
Duke marrë kompetencat e kryeministrit, presidentit dhe parlamentit zgjedhja jonë në raport me këtë fakt është strategjikja si gjithmonë për ta ruajtur dhe mbështetur pavarësinë e gjyqësorit edhe në këtë rast ekstrem.
Ne nuk i përgjigjemi një arbitraritetit të këtyre përmasave me arbitraritet dhe as do angazhohemi në një betejë retorike.” tha Edi Rama duke paralajmëruar mbrojtjen e funksionimit, siç tha ai, të cenuar të qeverisë, vetëm te drejtësia, më konkretisht në Gjykatën Kushtetuese.
“Do të kërkojmë mbrojtjen e funksionimit të cenuar të qeverisë vetëm te drejtësia, në Gjykatën Kushtetuese. Këta jemi ne. Ky jam unë. Dhe kështu do jetë deri në fund, sa kohë që unë kam privilegjin të udhëheq Shqipërinë drejt anëtarësimit në BE. Mbrojtja e pavarësisë së re dhe jo të përkohshme është prioriteti ynë absolut.”
Në fund, por të mos zhgënjyer duke mos dal nga vetja, edhe në sy të Komisioneres së BE për Zgjerimin, Marta Kos, Kryeministri Edi Rama mashtroi, duke deklaruar se sa të jetë ai në krye të qeverisë nuk do të shohim luftëra me drejtësinë apo akuza, punë që jo rrallëherë e bënë:
“Është një pushtet i ri, i ndërtuar mbi një të kaluar që nuk e ndihmon drejtësinë e pavarur. Aftësitë e prokurorëve dhe gjykatësve janë pjesë e rëndësishme që duhen forcuar, dhe kjo kërkon durim dhe vendosmëri.
Sa të jem unë këtu, nuk do të shihni luftëra me drejtësinë apo akuza. Por ka një kufi, kufirin kushtetues mes pushteteve të pavarura, dhe nëse lejojmë shkeljen e tij, kemi humbur diçka themelore për rendin kushtetues të republikës.”
