GJKKO tallet me Reformën në Drejtësi, Luan Daci u bë anëtar i KPA me deklarim të rremë dhe dënohet…

Ish-Gjyqtari i Komisionit të Pavarur të Apelimit, KPA, Luan Daci, u bë anëtar i institucionit më të Rëndësishëm të Reformës në Drejtësi me deklarim të rremë, por sot si akuza e SPAK ashtu dhe vendimi i Gjykatës së Posaçme konfirmuan se nuk është vetëm mashtruesi Luan Daci që është i interesuar të tallet me Reformën në Drejtësi.

Sot GJKKO ka vendosur të dënojë me gjashtë muaj burg ish-gjyqtarin e KPA, Luan Daci, dënim ky që i konvertohet në 12 muaj detyrim për të mos kryer asnjë vepër penale dhe për të mbajtur kontakte me shërbim prove.

GJKKO e ka cilësuar fajtor ish-gjyqtarin, duke argumentuar se përmes deklarimit të rremë ai ka mundur të zgjidhet gjyqtar i KPA. Por, gjyqtari Sandër Simoni, ka urdhëruar që Daci të mos e kryejë dënimin me burg, por ka vendosur ta pezullojë atë për 12 muaj, ku ish-gjyqtari duhet të mbajë kontakte me shërbimin e provës, si dhe nuk duhet të ketë kontakte me persona me rekorde kriminale.

Ndryshe, Ish-anëtari i Komisionit të Pavarur të Apelimit, Luan Daci, akuzohet se ka fshehur vendimin për shkarkimin e tij në vitin 1997, dhe nuk ishte as SPAK dhe as ndonjë organ i drejtësisë që zbuloi këtë mashtrim të Luan Dacit, por, siç thuhet, gjyqtarët që Daci i lkargoi nga sistemi i drejtësisë me detyrën që kryente si pasojë e mastrimit.

Ky vendim, përveç se konfirmon që vettingu si pjesë e Reformës në Drejtësi është keqpërdor politikisht dhe nga grupet kriminale, inkurajon personat me bindje kriminale si Luan Daci, ta shkelin ligjin dhe të futen në sistemin e drejtësisë, përderisa e kaluara e tyre nuk verifikohet.