Gjokoviç fiton betejën ligjore, pjesëmarrja në Australian Open e paqartë

Tenisti i njohur, Novak Gjokoviç pati sukses me padinë e tij kundër refuzimit të hyrjes së tij në Australi nga autoritetet e vendit. Kështu vendosi sot Gjykata e Commonwealthit Law Court në Melburn. Por se cilat do të jenë pasojat për pjesëmarrjen e Gjokoviçit në turneun e tenisit, Australian Open që zhvillohet pas një jave është ende e paqartë. Qeveria australiane kishte bërë më parë të ditur, se në rast të një shfuqizimi të refuzimit të udhëtimit, do të ndërmarrë hapa të tjerë për t’i pamundësuar Gjokoviçit vizën.

Këtë e bërë të ditur, avokati i qeverisë, Christopher Tran në fund të seancës, shkruan Agjencia e lajmeve, DPA. Ministri i imigracionit, Alex Hawke, sipas mediave, ka katër orë kohë për të praktikuar të drejtën e tij të shfuqizojë vizën. Ka konsultime për këtë, nëse ai do të zbatojë këtë kompetencë.

Gjokoviç, të cilit në rast të një vendimi kundër vizës i refuzohet hyrja në Australi për tre vjet, mund të ngrejë sërish padi. Por të paktën sot ai arriti një fitore në fazën e parë në Gjykatën Commonwealth Law Court në Melburn. Në fillim Gjokoviç u lejua të largohej nga hoteli i dëbimit, ku ndodhej ditët e fundit dhe mori gjërat personale e dokumentet, siç kërkoi gjyqtari Anthony Kelly.

Rasti Gjokoviç prej ditësh është vendosur në fokus të raportimit të mediave. Mbrëmjen e së mërkurës, 34 vjeçarit iu mohua hyrja në aeroportin e Melburnit. Sipas autoriteteve australiane, raporton DW, ai nuk arriti të paraqiste dokumentet e nevojshme për një leje speciale mjekësore për të hyrë në Australi edhe pa vaksinën kundër koronavirusit.