Gjorgje Ivanov: Zaev nuk gënjen vetëm qytetarët e Maqedonisë…

Presidenti i Maqedonisë, Gjorgje Ivanov duke ju përgjigjur deklaratës së kryeministrit Zaev për televzionin grek ERT, riktheksoi se nuk do ta dekretoj Marrëveshjen për çështjen e emrit e cila është firmosur nga përfaqësuesit e Athinës dhe Shkupit.

Nga kabineti i presidentit maqedonë është theksuar se qëndrimi i Ivanovit nuk ka ndryshuar, se ai e kundërshton marrëveshjen sepse është në dëm të identietit kombëtar maqedonë dhe interesave të Maqedonisë, dhe nuk do ti nënshtrohet presioneve, shantazheve dhe kërcënimeve.

“Presidenti Ivanov fuqishëm e hedhë poshtë deklaratën e kryeministrit Zoran Zaev të dhënë gjatë një interviste për televizionin grek ERT, ku tha se shefi i shtetit maqedonë do ta mbështes Marrëveshjen me Greqinë. Zaev vazhdon të gënjejë dhe manipuloj  jo vetëm qytetarët e Maqedonisë, por edhe opionin greke e ndërkombëtar. BE dhe NATO nuk duhet të keqpërdoren  për pranimin e Marrëveshjes së dëmshme me pasoja të paparashikueshme për shtetin maqedonë dhe popullin maqedonë,”thekson Kabinet i Ivanovit, transmeton teevizioni maqedon Telma TV.

Ndryshe, kryeministri I maqedonisë, Zoran Zaev dje ka shprehur besimin se referndumi për marrëveshjen me Greqinë do të jetë i suksesshëm, dhe se do ta mbështesë edhe opozita dhe presidenti Ivanov.

Nga LSDM e Zaevit kanë deklaruar që në rast se Ivanov vepron kundër interesave të shtetit, ata nuk do të lejojnë asnjë lloj politike destruktive e cila do të bllokoj të ardhmen e Maqedonisë.

Sipas Kushtetutës së Maqedonisë, Ivanov është i obliguar ta dekretoj marrëveshjen, e nëse nuk e bënë një gjë të tillë, kryetari i Parlamentit, Talat Xhaferi tha se do të shqyrtoj disa opsione. Njëra prej tyre është ratifikimi i Marrëveshjes  dhe Ligjit për gjuhët e cila do të shpallet në Fletoren zyrtare vetëm me firmën e tij.