Gjuha shqipe në Mbrëmjet Strugane të Poezisë

Gjuha shqipe do të jetë pjesë e edicionit të Festivalit Mbrëmjet Strugane të Poezisë, raporton Alsat. Për dallim nga vitet e kaluara kur gjuha shqipe, të cilën e flasin shumica e qytetarëve të Strugës ishte anashkaluar, drejtuesit e Festivalit siguruan se në leximet kryesore të Festivalit do të përfshihet edhe gjuha shqipe.

“Këtë vit në drejtim të gjithë përfshirjes dhe një shoqërie për të gjithë dhe përfshirjen e publikut, planifikojmë në programin zyrtar të përfshijmë përveç përdorimit të maqedonishtes dhe anglishtes, siç ka qenë deri tani, edhe gjuhën shqipe dhe frëngjishte, pasi Maqedonia është anëtare e Shoqatës Botërore të Frankofonisë,” tha Drejtori i Mbrëmjeve Strugane të Poezisë, Todorçe Tasevski.

Këtë vit, fituese e mirënjohjes më të lartë të Festivalit, Kurora e Artë është poetja rumune Ana Blandiana, e cila madje foli edhe për rrezikun që rajoni i Ohrit të përjashtohet nga UNESCO.

Festivali në të cilin marrin pjesë 32 poetë të huaj dhe 30 vendas, filloi me mbjelljen e një peme në Parkun e Poezisë në Strugë.