Gjuriç, serbët në Kosovë nuk do ta shpallin autonominë

Askush nga serbët në Kosovë nuk do të ndërmarr asgjë që do të sillte reagim të shqiptarëve apo të një pjesë të bashkësisë ndërkombëtare që kundër serbëve të ndërmerr ndonjë aksion. Kështu u shprehë Drejtori i zyrës për Kosovën pranë Qeverisë së Serbisë, Marko Gjuriç duke folur në edicionin qendror të lajmeve n televizionin publik serb, RTS, duke shtuar se qytetarët në Kosovë me lehtësim e kanë pranuar mesazhin e presidentit të Serbisë, Aleksandar Vuçiç, i cili i ka ftuar serbët që mos të bien e provokimeve shqiptare.

“Askush nga serbët në Kosovë nuk do të ndërmarrë asgjë, as lidhur me Asociacioni e as diçka tjetër që do të nxiste përgjigje të shqiptarëve dhe një pjese të bashkësisë ndërkombëtare që të ndërmarrin aksion kundër tyre”, tha Gjuriç.

Sipas tij, në fushatën dezinformuese për Kosovën po marrin pjesë edhe disa përfaqësues minor të serbëve nga Kosova dhe këtë po e bëjnë, sipas Gjuriçit, drejtpërdrejt për llogari të Prishtinës. Por, shtoi ai, serbët nuk kanë arsye të brengosen.

“Ata të cilët po përhapin dezinformata nuk po punojnë në interes të shtetit tonë, por në interes të Prishtinës”, tha ai duke aluduar në deklaratat e peshkopit serb të Manastirit të Deçanit, Sava Janjicc i cili ka deklaruar se më 5 gusht serbët pritet të shpallin autonominë dhe më pas do të ndërhyjë Prishtina me forcat e armatosura.