Gjykata Apelit, Nikolla Gruevski 2 vjet në burg

Gjykata e Apelit e ka konfirmuar dënimin me 2 vjet burg për Ish-kryeministrin e Maqedonisë, Nikolla Gruevski, i cili u gjykua për ndikim të paligjshëm për blerjen e “Mercedesit” luksoz nga ana e MPB.

Ndërsa dënimi për të akuzuarin tjetër në këtë rast të Prokurorisë Speciale Publike, Gjoko Popovskin, është ulë prej 6.5 në 4.5 vjet burg.

“Ankesat e të akuzuarit N.G. refuzohen si të pabaza, ndërkaq vendimi i shkallës së parë konfirmohet plotësisht.

Gjykata e Apelit, duke vepruar për lëndën KOKZh-23/18, të njohur me emrin “Tanku” pas mbajtjes së seancës publike, ka vendosur që ankesën e Gjoko Popovskit pjesërisht ta pranojë dhe dënohet me burg me 4.5 vite, ndërkaq pjesën tjetër e konfirmon me vendimin e shkallës së parë”, thuhet në komunikatën e Gjykatës së Apelit të publikuar nga mediat maqedonase.

Rasti “Tank” ka të bëjë me keqpërdorimin e detyrës zyrtare dhe autorizimit nga ana e ish-ministres së Punëve të Brendshme, Gordana Jankullovska dhe shefit të furnizimeve publike Gjoko Poposki, gjegjësisht për blerjen e Mercedesit luksoz me vlerë mbi gjysmë milionë euro, me çka i kanë shkaktuar dëm buxhetit shtetëror.