Gjykata e Apelit dënon me 12 vite burg Francesco Becchettin
Gjykata e Apelit ka zbutur dënimin për biznesmenin italiann Francesco Becchetti, duke e dënuar përfundimisht me 12 vite burg.
Gjykata e Tiranës e pat dënuar biznesmenin italian me 17 vite burg për akuzat e “vjedhje duke shpërdoruar detyrën”, “krijim të skemave mashtruese” si dhe “pastrim parash”, ndërsa Apeli uli edhe dënimin e ortakut të Bechetit, Mauro de Renzi, i cili nga 16 vite burg përfundimisht do të vuajë 12 vite
“Sot më datë 30.09.2025, Gjykata e Apelit të Juridiksionit të Përgjithshëm, e përbërë nga trupi gjykues me Relator Gjyqtar z.Genti Shala dhe anëtar znj. Brikena Ukperaj dhe z. Dritan Hasani, shpalli vendimin që i përket të pandehurve Francesco Beccheti, Mauro De Renzis etj, vendosi:
Lënien në fuqi të vendimit Nr. 440, datë 23.02.2022 të Gjykatës së Rrethit Gjyqësor Tiranë me këtë ndryshim:
-Në zbatim të nenit 55 të K.Penal, dënimin përfundimtar të të pandehurit Francesco Beccheti me 12 (dymbëdhjetë) vjet burg.
-Në zbatim të nenit 55 të K.Penal, dënimin përfundimtar të të pandehurit Mauro De Renzis me 12 (dymbëdhjetë) vjet burg”, thuhet në vendimin e Gjykatës së Apelit,” thekson Vendimi i Gjykatës së Apelit e cila në fuqi vendimin për nënën e biznesmenit Becheti, Liliana Condomitti dhe Eriona Troplini, të cilat u dënuan me nga 8 vite burg.
Ndërkohë Gjykata pushoi çështjen për kompanitë “Kalivaç Green Energy” dhe “Energy” shpk.
Ndryshe, biznesmeni italian, Francesco Becheti, prej vitesh është në përballje me drejtësinë shqiptare, ndërsa ka fituar betejën në Arbitrazh përballë qeverisë për mbylljen e televizionit të tij, Agon Channel.
