Gjykata e Krimeve të Rënda/ Protesta, banorët e Unazës së Re: “Poshtë komunistët, Lironi djemtë tanë!”

Në ditën e 22-të të protestës, banorë të Unazës së Re, kanë zhvendosur protestën para Gjykatës së Tiranës aty ku pritet të jepet masa e sigurisë për të arrestuarit pas protestës para Parlamentit të Shqiprisë.

“Poshtë komunistët”, “Qeveri e krimit”, “Lironi djemtë tanë” ishin thirrjet e banorëve që kërkojnë lirimin e familjarëve ndërkohë një prej protestuesve u shpreh se, për Daniel Drobajn, i arrestuar nga policia si personi i dyshuar, është dhënë urdhër që të dënohet.

Ndërsa babai i Dorjan Protudurit, duke e cilësuar ndalimin e të birit si një vendim politik u shpreh:

“Sot është fëmija im nesër është fëmija yt. Ne nuk jemi kriminela!”

Një nënë e revoltuar që po protestonte për dhunën që është ushtruar mbi djalin e saj të arrestuar duke akuzuar me emër një oficer policie:

“Djalit tim i ka rënë Agim Troci, që është polic; i ka rënë djalit tim. Vëllai i tij është Ramadan Troci që është prokuror dhe e kanë hequr. Nëse Agim Troci e ka bërë këtë, se e kam edhe komshi, e paralajmëroj!” tha një nënë protestuese para Gjykatës së Tiranës.

Të pranishëm në protestë ishin edhe deputetë të opozitës.

Ndërkohë, në Gjykatë, ka nisur seanca.