Gjykata e Posaçme e Apelit rrëzon kërkesën, Emiliano Shullazi mbetet në burg!
Gjykata e Apelit kundër Korrupsionit dhe Krimit të Organizuar rrëzoi kërkesën e Emiliano Shullazit dhe të pandehurve të tjerë për shuarjen e masës së sigurisë.
Vendimi u dha në seancën e sotme gjyqësore, ku Këshilli i Lartë Gjyqësor, depozitoi një shkresë ku legjitimon gjyqtarët Artur Kalaja, Etleva Temo dhe Albana Boksi për të gjykuar procesin ndaj Emiliano Shullazit dhe 4 të pandehurve të tjerë.
Mbrojtja mbështeti kërkesën në faktin se Gjykata e re duhet të kishte dhënë një masë të re për të pandehurit të cilët vazhdojnë në burg me masën e një gjykate tashmë të shkrirë.
