Gjykata e Shkodrës, Bardh Spahia: Prapaskenë politike!
Në seancë gjyqësore nën masa të rrepta sogurie, Ish-Deputetit Bardh Spahia i është komunikuar akuza, “Kundërshtimi i punonjësit të policisë së rendit publik” dhe “Dëmtimi me dashje i materialit zgjedhor”.
Prokuroria e Edi Ram tha se disponon prova e pamje filmike që tregojnë se Spahia ka qenë aktiv gjatë përplasjeve në KZAZ dhe nuk i është bindur urdhrit të policisë.
Më pas Bardh Spahia ka marrë fjalën dhe ka deklaruar se veprimet e arrestimit të tij kanë prapaskenë politike.
“Ngjarjet për të cilat po diskutojmë sot. Po bëj një parantezë sot jemi përballë një përplasje të fortë politike e sociale. Protestuesit kanë vepruar sepse nuk mund të lejojnë që të uzurpojnë një objekt publik pronë e bashkisë Shkodër.
Për këtë kemi marrë informacion nga ana e policisë dhe njerëzve të paautorizuar dhe jemi drejtuar nga pallati i Sportit tek shkolla. Morëm informacion se kishte tension dhe u drejtuam atje për të qetësuar situatën.
Duke kërkuar qe situata të qetësohej sepse ishte e tensionuar. Materialet zgjedhore ndodheshin në një ambient të pambrojtur dhe aty ka pasur njerëz të paautorizuar. Ne kishim detyrë për të qetësuar njerëzit. Veprimet e arrestimit tim kanë prapaskenë politike. Mendoj që gjykata duhet ta shohë dhe vlerësojë siç duhet dhe bazuar në ligj,” tha Bardh Spahia.
Në fund, Gjykata e Shkodrës vendosi masën “arrest shtëpie” për Bardh Spahinë.
Ndryshe, seanca kundër Ish-Deputetit, Bardh Spahia u zhvillua me dyer të mbyllura. Spahia ka qëndruar më shumë se 48 orë në izolim pasi u arrestua nga policia.
