Gjykata foli/ Nga selia e PD, Berisha: Të bashkohemi!
Pas vendimit të Gjykatës së Tiranës që miraton dhe ndryshimet e Statutit të PD nga Kuvendi i 11 Dhjetorit, lideri historik i Partisë Demokratike, Sali Berisha me një delegacion të Komisionit të Rithemelimit zhvilluan një takim në selinë e PD me Kryetarin e Grupit Parlamentar, Enkelejd Alibeaj dhe Gazment Bardhi fundi i të cilit kishte një mesazh të qartë: Të bashkohemi!
“Vendimi i Gjykatës legjitimoi më në fund, vendimet historike të Kuvendit të 11 dhjetorit të PD-së. Vendim të cilat sjellin PD-në si parti të votës së lirë, vlerave konservatore, në themel të saj, parti e orientimit euroatlantik dhe interesit kombëtar. Nuk mohohet se PD kaloi një krizë për shërimin e të cilës është në detyrimin e çdo demokrati të kontribuojë. Pas 6 marsit unë kam marrë takime të përditshme me kryetarë të degëve të PD-së, të rretheve të ndryshme të vendit, të cilët gjer më 6 mars nuk kanë mbështetur lëvizjen e nisur.
Shpreh kënaqësinë dhe vlerësimin tim se në këto takime kam gjetur angazhimi ne tyre të plotë për të kontribuuar në procesin e bashkimit të PD-së. I kam siguruar dhe i siguroj ata nga kjo foltore se çdonjëri prej tyre ka besimin e plotë të Komisionit të Rithemelimit të PD-së për të kandiduar për çdo post që dëshiron. Theksoj se statuti i 11 dhjetorit nuk ka kufizim,” tha Sali Berisha duke dhënë dhe detajet e bisedës në mes të Alibeajt dhe Bardhit.
“Statuti i 11 dhjetorit nuk ka kufizim për numrin e madateve të kryetarëve të degëve. Disa prej tyre më kanë shprehur kërkesën që zgjedhja për kryetar të tyre të shtuhet me datën 20 prill. Unë e diskutova këtë çështje dhe po hartohet udhëzuesi për t’u shpërndarë. Është një proces pozitiv nisur edhe nga marrëdhënia që kanë pasur me ish-kryetarin. Ai ka dhënë dorëheqjen dhe marr përsipër problematikat e krijuara nga drejtimi i tij. Sot PD ka një logo zyrtare të regjistruar në gjykatë, ka një statut. Ju jeni kuriozë të dini edhe çfarë u bisedua. Shova u shtrëngova doreën, u ula dhe bisedova me kryetarin e Grupit Parlamentar Bardhi dhe Alibeaj,” tha lideri historik i PD, Sali Berisha duke përfunduar:
“Nuk ishte vetëm shtrëngim duarsh, por edhe diskutim. Unë kërkova angazhimin e tyre në procesin e bashkimit të PD. I gjeta të përkushtuar në këtë mision por është në detyrimin e të gjithë drejtuesve aktualë të dialogojnë.”
Sali Berisha e pranoi se Enkelejd Alibeaj nuk ishte dakord me vendimin e Gjykatës dhe se do ta apeloj, për çfarë ai shpreh keqardhje dhe beson se do të sqarohen të gjitha çështjet.
Në fund të kësaj drame e cila po përgatitet të lëshoj perdet, kjo derë e blinduar në selinë e PD, ndër demokratë mbetet dëshmi me shpresën se një situatë e tillë të mos përsëritet kurrë.
