Gjykata i jep fund talljes së SPAK-ut, Fredi Beleri lirohet me kusht!

Gjykata e Shkallës së Parë të Juridiksionit të Përgjithshëm Fier ka marrë vendim për lirimin nga burgu të eurodeputetit, Fredi Beleri.

Kështu merr fund dhe tallja që sajoi SPAK me zgjedhjet e vjedhura të 14 majit 2023, kur nga gjithë ajo maskaradë që shfaqi Partia Socialiste në rang vendi, Prokuroria e Posaçme zbuloi ujin e ngrohtë të drejtësisë së reformuar, duke arrestuar kandidatin e opozitës për kryetar të Bashkisë Himarë, Fredi Belerin, dy ditë para zgjedhjeve me akuzën se bleu 8 vota për 40 mijë lekë, ndërsa la të lirë të gjithë hajdutët riilindas duke përfshirë edhe ata të “5 D” me akuza konkrete, në mënyrë që Erion Veliaj ti fitoj zgjedhjet në Tiranë.

Fredi Beleri i fitoi zgjedhjet ndonëse ishte i arrestuar, kurrë nuk e gëzoi atë mandat, u dënua me dy vjet burg ndërsa sot kur është dhe deputet i Parlamentit Evropian dhe pronat e Bashkisë Himarë me kryetar të ri kanë marrë dhenë, ai lirohet me kusht!

“Gjykata e pranoi kërkesën tonë, urdhëroi lirimin para kohe, mbeteshin edhe rreth 6 javë nga lirimi. Respekte për gjykatën. U vendos lirimi me kusht, rreth 2 muaj i kishin mbetur. Ai pronari që ka çelsat e burgut dha lejen pas zgjedhjeve që të dalë,” tha avokati i Fredi Belerit, Geni Gjyzari, duke pasur frikë ti përmend edhe emrin Kryeministrit Edi Rama, ndryshoi nuk dihej se si do të përfundonte vendimi i ditës së sotëm.

Ndryshe, me këtë vendim merr fundi turpi i Drejtësisë së Re, e cila, si ajo e vjetra, kurrë nuk hetoi e lëre më t’i dënoj kapot e bandave që nuk i lejojnë këtij vendi të gëzoj zgjedhje të lira dhe të ndershme që nga koha e Mbretit Zog!