Gjykata Kushtetuese, Ambasadorja Kim: KED, këtë javë të përfundoj vlerësimin e kandidatëve!

Ambasadorja e SHBA në Tiranë, Yuri Kim, tha sot se Këshilli i Emërimeve në Drejtësi, KED, këtë javë duhet të përfundoj vlerësimin dhe ta dërgoj listën e kandidatëve në Presidencë dhe Parlament, dhe nuk ka asnjë arsye që Gjykata Kushtetuese të mos jetë funksionale deri më 31 dhjetor.

“KED duhet të takohet këtë javë për të përfunduar vlerësimin dhe për të dërguar listën e kandidatëve në Presidencë dhe Parlament. Proceset duhet të respektohen, por jo të keqpërdoren,” tha Ambasadorja Yuri Kim në reagimin e saj përmes rrjetit social Twitter duke përfunduar:

“Nuk ka asnjë arsye praktike që Gjykata Kushtetuese të mos jetë funksionale deri 31 dhjetor. Është çështje vullneti. Udhëheqësit duhet të tregojnë vullnetin e tyre të vërtetë.”