Gjykata Kushtetuese nuk e njeh Arta Vorpsin. Marsida Xhaferllari në listën për KED, ja emrat…

Gjykata Kushtetuese nuk e njeh mandatin e Arta Vorpsit, e zgjedhur me automatizëm si e para e renditur në listën e KED. Në faqen zyrtare të Gjykatës Kushtetuese, janë publikuar emrat e anëtarëve që plotësojnë kushtet ligjore për të qenë Anëtarë të Këshillit të Emërimeve në Drejtësi ku është përfshirë edhe Marsida Xhaferllari.

Njoftimi:

Lista e gjyqtarëve të Gjykatës Kushtetuese, që plotësojnë kushtet e parashikuara në Ligj, për të qenë Anëtarë të Këshillit të Emërimeve në Drejtësi.

Në mbështetje të nenit 221 të ligjit nr.115/2016 “Për organet e qeverisjes së sistemit të drejtësisë”, i ndryshuar me ligjin nr.47/2019 “Për disa shtesa dhe ndryshime në ligjin nr.115/2016 “Për organet e qeverisjes së sistemit të drejtësisë”, sot, më 15.11.2019, Gjykata Kushtetuese i ka dërguar institucionit të Presidentit të Republikës dhe Kuvendit të Shqipërisë listën e gjyqtarëve të Gjykatës Kushtetuese që plotësojnë kushtet e parashikuara në ligj për të qenë anëtar të Këshillit të Emërimeve në Drejtësi.

1. Znj. Vitore Tusha, gjyqtare me kompetencat e Kryetarit të Gjykatës Kushtetuese;
2. Z. Besnik Muçi, gjyqtar;
3. Znj. Elsa Toska, gjyqtare;
4. Znj. Marsida Xhaferllari, gjyqtare;
5. Znj. Fiona Papajorgji, gjyqtare.