Gjykata Kushtetuese, “Opozita e Edi Ramës” rrëzon parashikimet, voton kandidatët nga lista e KED

Sot “Opozita e Edi Ramës” ka rrëzuar të gjitha parashikimet rreth kalimit në Parlament të kandidatëve për Gjykatë Kushtetuese, duke mos i lënë vend kalkulimeve por duke votuar kandidatët nga lista e Këshillit të Emërimeve në Drejtësi, KED.

Kryetari i Parlamentit, Gramoz Ruçi, tha sot se Presidenti i Republikës nuk është shprehur brenda afatit dhe për këtë arsye, kandidati i parë në listë, Arta Vorpsi, do të konsiderohet si i miratuar ndërkohë hedhi në votim dy kandidatët që u votuan shumë më shumë se 3/5 siç e parashikon ligji.

Kështu, Elsa Toska ka marrë 105 vota, 2 ishin kundër dhe 9 abstenuan.

Ndërsa anëtarja e re e zgjedhur e Gjykatës Kushtetuese, Fjona Papajorgji, mori 105 vota, 3 kundër dhe 8 abstenime.

Me përrfundimin e këtij votimi, duke përfshirë Besnik Muçin e dekretuar nga Presidenti i Republikës, Gjykata Kushtetuese tashmë ka 5 gjyqtar.