Gjykata Kushtetuese publikon vendimin, LDK kërkon votimin e qeverisë së re
Meqë Thaçit, Vuçiçit dhe Lajçakut po i nxitohej me krijimin e qeverisë re ndërkohë që kufiri me Serbinë nuk ka më fuks kamionësh me mallëra serb për shkak të reciprocitetit, sot Gjykata Kushtetuese publikoi vendimin e plotë rreth dekretit të presidentit Hashim Thaçi për mandatimin e Avdullah Hotit, si kryeministër të ri. Lexo këtu vendimin:
Pas publikimit të vendimit të plotë të Gjykatës Kushtuese për Dekretin e Presidentit Hashim Thaçi, dhe Isa Mustafa “u bind” ashtu si dhe Kushtetuesja se Dekreti është në përputhje me Kushtetutën, shefi i Grupit Parlamentar të LDK-së, Arben Gashi ka dorëzuar në Parlament kërkesën për seancë për votimin e Qeverisë.
Pasi dorëzoi kërkesën, Gashi tha se të mërkurën do të mbahet seanca për formimin e Qeverisë së re.
“Pas marrjes se aktgjykimit të Gjykatës Kushtetuese në emër të LDK-së kam dorëzuar kërkesën për seancë për të mërkurën në ora 11:00. Presim që të mërkurën të kemi Qeverinë e re,” tha Arben gashi duke saktësuar:
“Ne si parti paraprakisht të njoftohen partnerët e koalicionit e jo përmes video-mesazheve. Kemi ftuar seancë normalisht kemi të garantuar edhe formimin e Qeverisë. Kërkesa e dorëzuar me 61 deputetë nënshkrues ku presim që do të jenë 64 deri në 65 vota”.
Nesër, tha Gashi, Kryesia e LDK-se të vendos për emrat e ministrave të ri ndërsa shtoi se ka mundësi që edhe AKR të jetë pjesë e Qeverisë.
“Në 16:30 mblidhet Kryesia dhe do të dalim me emrat e ministrave. Sa i përket marrëveshjes me Listën Serbe këtë do ta publikojë kryeministri i ardhshëm pasi asnjë marrëveshje deri me tani nuk është publikuar.”
Ndryshe, Isa Mustafa ka thirrur mbledhjen për nesër në ora 16:30, në Selinë Qendrore të LDK-së.
