Gjykata Kushtetuese rrëzon 30 Qershorin! Dekreti i Presidentit mund të mos respektohet!

Gjykata Kushtetuese ka rrëzuar kërkesën e Shoqatës së Bashkive për shpalljen të pavlefshëm të zgjedhjeve të 30 qershorit.

Më optimistët që besuan se krijimi i precedentëve negativ do të ruaj rendin kushtetues filluan tashmë të dyshojnë në këtë vend, nëse bëhet! Pesimistët pa pritshmëri në këtë vendim të Kushtetueses dhe lëvizjeve politike që prodhon Ilir Meta nuk është se kishin të drejt në këtë rast sepse si gurin ashtu dhe arrën nuk e kishte drejtësia, dhe kjo u konfirmua me vendimin e Gjykatës Kushtetuese.

Kështu, Gjykata Kushtetuese doli në favor të moskrijimit të precedentit për bojkotimin e zgjedhjeve, por ky vendim i dha të drejt “denar bibave” në KQZ që respektimi i Dekretit të Presidentit të Republikës mund të jetë në vullnetin e tyre edhe pse Kushtetuta nuk e lejon.

Vendimi përfundimtar, thekson Gjykata Kushtetuese, do të shpallet i arsyetuar brenda afateve ligjore.

Ndryshe, Gjykata Kushtetuese i ishte drejtuar Komisionit të Venecias për të marrë një opinion final në lidhje me zgjedhjet, në të cilat opozita nuk mori pjesë. Në njoftimin e saj kjo gjykatë thekson se vendimi u mor pasi dëgjoi palët ndërgjygjëse në gjykimin kushtetues dhe mori në shqyrtim opinionin ‘amicus curiae’ të Komisionit të Venecias.

Zgjedhjet e 30 qershorit fillimisht u paralajmëruan se do të bojkotohen nga opozita. Presidenti i Republikës, Ilir Meta, me arsyetimin e klimës së tensionuar politike zhdekretoi 30 qershorin dhe vendosi që zgjedhjet të zhvillohen në një tjetër datë, duke dekretuar 13 tetorin. Por, KQZ me shumicën socialiste nuk pranoi Dekretin e ri të Presidentit për 13 tetorin dhe zgjedhjet u zhvilluan më 13 Qershor ku mori pjesë vetëm mazhoranca.

NJOFTIMI

Gjykata Kushtetuese e Republikës së Shqipërisë mori në shqyrtim në seancat plenare publike në datat 23.06.2021 dhe 02.11.2021 çështjen me palë kërkuese Shoqata e Bashkive të Shqipërisë, me objekt:

1. Konstatimin antikushtetues të zgjedhshmërisë/procesit zgjedhor të zhvilluar në 30 qershor 2019 për zgjedhjen e organeve të qeverisjes vendore, të kryetarëve të bashkive dhe anëtarëve të këshillave bashkiakë, dhe si rrjedhojë konstatimin antikushtetues të zgjedhjes së anëtarëve të këtyre organeve.

2. Verifikimin e kushtetutshmërisë së veprimtarisë së partisë Bindja Demokratike në lidhje me regjistrimin e saj në gjykatë dhe zgjedhjet e datës 30 qershor 2019.

Gjykata Kushtetuese, pasi dëgjoi palët ndërgjygjëse në gjykimin kushtetues, mori në shqyrtim opinionin amicus curiae të Komisionit të Venecies.

VENDOSI:

– Rrëzimin e kërkesës.

Vendimi përfundimtar do të shpallet i arsyetuar brenda afateve ligjore të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar.