Gjykata Kushtetuese, SPAK-u, Polici, Edi Rama akuzon Bashën: Shkollën e dogje ti…
Kryeministri Edi Rama pasi shkarkoi Kryetarin e Bashkisë Vau i Dejës i kërkon Kryetarit të PD-së, Lulzim Basha të marrë përgjegjësinë për ngjarjet në KZAZ-në e Bushatit, dhe meqë është vetëshpallur Gjykatë Kushtetuese, SPAK, Polic i këtij vendi të mallkuar, akuzoi Bashën se ai e dogji shkollën:
“Artist, dil jepi xhevap Zef Hilës që tha shkollën e dogje ti me atë fotokopjen e shëmtuar të enveristëve më kokëboshë të 91-shit, Aleanca e Demokratëve a si e quan ti! Dil Artist, se është koha të marrësh përgjegjësi për dyfytyrësinë e javës së fundit, hidh gurin e fshih dorën,” thekson Edi Rama përmes rrjetit social Twitter.
Ndryshe, Kryeministri Edi Rama shkarkoi sot nga detyra kryetarin e bashkisë së Vaut të Dejës, Zef Hila pas ngjarjeve në KZAZ në Bushat, vendim ky të cilin Lulzim Basha e quajti një akt kriminal i një autokrati të kriminalizuar që tani po përdor forcën e pushtetit vetëm për të mbrojtur bashkësundimin e tij me krimin.
Sidoqoftë, pavarësisht zellit të madh antililgjor të Kryeministrit Edi Rama kundër rivalëve opozitarë, vendimi i Kryeministrit Edi Rama në adresë të Kryetarit të Bashkisë Vau i Dejës, mund të ankimohet në Gjykatën Kushtetues jo më vonë se 15 ditë dhe në rastin në fjalë, pas shqyrtimit të vendimit të Këshillit të Ministrave, lëvizja e Ramës mund të pezullohet. Nëse Gjykata Kushtetuese lë në fuqi vendimin e Këshillit të Ministrave, atëherë Presidenti i Republikës cakton një datë të re për zgjedhjet në bashkinë përkatëse.
