Gjykata nuk e regjistron Pjerin Ndreun si zëvendësues të Voltana Ademit: Si dhe ku u mbajtë mbledhja e Asamblesë së SHBSH?!
Kryetari i Bashkisë Lezhë, Pjerin Ndreu, arriti ti vëjë në rresht kryetarët socialist të bashkive për tu zgjedhur Kryetar i Shoqatës së Bashkive të Shqipërisë, por jo edhe Gjykatën e Rrethit Gjyqësor kur iu drejtua për të regjistruar vendimin e mbledhjes së Jashtëzakonshme të Asamblesë së SHBSH ku u shkarkua Voltana Ademi dhe Pjerini “u zgjodh” Kryetari i Shoqatës.
“Për gjykatën është e paqartë se kush e kërkoi mbajtjen e mbledhjes, pse ishte urgjente dhe pseu u mbajtë brenda ditës, si u arrit kurorumi, ku është zhvilluar mbledhja dhe a janë njoftuar anëtarët për vendin e zhvillimit të mbledhjes dhe a kanë konfirmuar ata për pjesëmarrjen ose jo,” thuhet në vendimin e Gjykatës së Rrethit Gjyqësor Tiranë e cila i jep afat Pjerin Ndreut deri më 25 Qershor 2021të plotësoj këto të meta, në të kundërt kërkesa nuk do të shqyrtohet!
Ndryshe, më 8 Qershor Pjerin Ndreu me homologët e tij socialistë organizoi një mbledhje të jashtëzakonshme të Asamblesë së Shoqatës së Bashkive të Shqipërisë ku zgjodhi veten si kryetar të kësaj Shoqate por kryetarja e ligjshme e SHBSH, Voltana Ademi e hodhi poshtë këtë vendim duke e quajtur të paligjshëm.
