Gjykata: PD në duart e Komisionit Rithemelimit

Komisioni i Rithemelimit merr drejtimin e Partisë Demokratike. Kështu vendosi Gjykata e Tiranës duke miratuar kërkesën e Komisionit të Rithemelimit të PD për të regjistruar ndryshimet statutore të miratuara në Kuvendin e mbajtur në 11 dhjetor të vitit 2021.

Gjithashtu, sipas Gjykatës së Tiranës, do të njihet dhe logoja e re e PD-së, ndërsa duke iu referuar Kuvendit të 11 Dhjetorit, të gjitha strukturat aktuale të PD-së së drejtuar deri pak ditë më parë nga Lulzim Basha, janë të shkarkuara.

Me vendimin e sotëm, bëhet nul dhe Kuvendi Kombëtar i datës 18 dhjetor 2021 i thirrur nga Lulzim Basha, pasi Kuvendi i 11 dhjetorit shfuqizon çdo vendim pas hyrjes në fuqi të Statutit me ndryshimet e reja.

Dhe jo vetëm kaq! Përfaqësuesi ligjor i Komisionit të Rithemelimit të PD-së, Ivi Kaso sqaroi procedurën në lidhje me vendimin që dha sot Gjykata Civile e Tiranës duke e bërë të qartë se ky vendim nuk mund të ankimohet nga pala tjetër

“Nëse do keni kuriozitetin që të shihni vendimet e 11 dhjetorit, një pikë të rëndësishme të tij ka anulimin e thirrjes së 18 dhjetorit. I thirrur nga një kryesi e palogjikshme. Ky vendim është regjistruar. Praktikisht në regjistër është anuluar Kuvendi i 18 dhjetorit. Ligjërisht nuk ka një Kuvend të thirrur. Vendimi mund të ankimojë vetëm nga ne. për palët që investon gjykatën. Vendimi është i ekzekutueshëm. S’kemi pse bëjmë ankime kot,” tha Ivi Kaso.

Pas vendimit të Gjykatës së Tiranës, Kryetari i komanduar nga Sekretari i Përgjithshëm i PD i shkarkuar, Enkelejd Alibeaj, akuzoi gjyqtarin Agron Zhukri i cili njohu zyrtarisht vendimet e Kuvendit Kombëtar të PD-së të mbajtur më 11 dhjetor 2021 nga grupi i Komisionit të Rithemelimit të Partisë Demokratike, duke paralajmëruar padi për shpërdorim detyre.

“Siç e dini ju, gjyqtari vetë ka deklaruar njohjet e veta anësinë e vet në këtë proces. Në tejkalim të ligjit ka marr në shqyrtim cështjen. PD ka bërë ankim për regjistrimin e Kuvendit të 18 dhjetorit. Është i fundit kuvend që PD ka realizuar. Çështja është në apel bashkë me provat. Gjyqtari i sotëm nuk ka patur asnjë dosje. Ka marrë një vendim, pa patur prova e dosje. Pa patur palë. Që një vendim të ketë efekt duhet të ishim edhe ne palë. Janë element që për këdo i lind e drejta të paraqesë një kallëzim penal për gjyqtarin,” tha Alibeaj.

Ndryshe, Statuti me ndryshimet e fundit parashikon ngritjen e një Komisioni të Përkohshëm, që do të hapë rrugën për ndryshimet në parti pavarësisht se çfarë mendon Lulzim Basha, Kunati dhe hyzmeqarët e tij që kanë vetëm një qëllim, vazhdimin e dramës për selinë dhe vulën e PD!

Dhe, shkarkon të gjithë delirantët që bënë luftën e 8 Janarit 2022 me ndihmën e policisë së Edi Ramës:

Kryesinë e PD; Kryetarin Lulzim Basha (I dorëhequr); Sekretarin e Përgjithshëm, Gazment Bardhi; Nënrkyetar Enkelejd Alibeaj (I komanduar kryetar), Agron Gjekmarkaj (I dorëhequr), Jorida Tabaku, Grida Duma (e dorëhequr); Kryetaren e Këshillit Kombëtar, Arta Sakja; Kryetaren e Komisionit Apelimit, Integritetit dhe Etikës, Flutura Açka (e dorëhequr); Kryetarin e Komisionit Zgjedhor, Jemin Gjana; Sekretarin Organizativ, Flamur Hoxha; Sekretaren për të Përndjekurit Politik, Jonila Godole; Sekretaren për Marrëdhënie me Publikun, Greta Bardeli; Sekretarin e Koordinimit Elektoral, Taulant Zeneli; Sekretaren për Organizatat Partnere, Orjela Nebiaj; Sekretarin për Organizimin Dixhital, Endri Hasa; Sekretarin për Çështje Ligjore dhe Zgjedhore, Indrit Sefa; Sekretarin për Emigracion dhe Diasporë, Kreshnik Çollaku; Sekretarin për Decentralizimin dhe Pushtetin Vendor, Roland Bejko; Sekretarin për Marrëdhënie me Jashtë, Gentian Gaba; Zëdhënës, Ina Zhupa;

Dhe, anëtarë të zgjedhur: Agron Kapllanaj, Dhurata Tyli (Çupi), Ervin Salianji, Fitim Zekthi, Gazmend Koduzi, Gert Bogdani, Helidon Bushati, Juela Hamati, Lindita Metaliaj, Orjola Pampuri, Taulanda Jupi, Tomor Alizoti, Xhemal Gjunkshi, Xhelal Mziu.

Ky është dhe Vendimi i marrë nga Gjykata e Tiranës:

VENDIMI

1.Pranimin e kerkeses se pales kerkuese Partia Domokratike e Shqiperise, perfaqesuar nga Komisioni i Përkohshëm i Rithemelimit të P.D.SH.

2.Depozitimin e vendimeve te kuvendit Kombetar te PDSH duke rregjistruar ndryshimet perkatese ne regjistrin e partive politike:

Vendimin nr 1. dt.11.12.2021, me anekset bashkëlidhur Statutin e Partisë Demokratike, të Kuvendit Kombëtar të Partisë

Vendimin nr 2. dt. 11.12.2021 të Kuvendit Kombëtar të Partisë Demokratike

Vendimin nr 3. dt. 11.12.2021 të Kuvendit Kombëtar të Partisë Demokratike

Vendimin nr 4. dt. 11.12.2021 të Kuvendit Kombëtar të Partisë Demokratike

Vendimin nr 5. dt. 11.12.2021 të Kuvendit Kombëtar të Partisë Demokratike

Vendimin nr 6. dt. 11.12.2021 të Kuvendit Kombëtar të Partisë Demokratike

Vendimin nr 7. dt. 11.12.2021 të Kuvendit Kombëtar të Partisë Demokratike

3.Kunder ketij vendimi mund te behet ankim sipas ligjit.

U shpall sot me date 25.03.2022 ora 11.10