Gjykata e Lartë hedh poshtë padinë kundër Biden

Gjykata e Lartë e ka hedhur poshtë një proces gjyqësor të inicuar nga Texasi dhe të mbështetur nga presidenti, Donald Trump, për të refuzuar fitoren e Joe Biden, në katër shtete.

Pas këtij vendimi reagoi Presidenti Trump përmes rrjetit social Twitter: “Gjykata e Lartë me të vërtetë na zhgënjeu. Pa mençuri, Pa guxim!”.

Gjykata deklaroi se Texasi nuk ka të drejtë ligjore për të ndërhyrë në mënyrën se si shtetet e tjera zhvillojnë zgjedhjet.

Të katër shtetet, Pennsylvania, Georgia, Michigan dhe Wisconsin, raporton RFE, kishin bërë thirrje Gjykatës së Lartë të refuzonte sfidën ligjore, duke thënë se çështja nuk kishte asnjë bazë faktike. 

Ndryshe, më 14 dhjetor pritet të zhvillohet votimi në Kolegjin Zgjedhor, ku do të zyrtarizohet Presidenti i ri i SHBA!