Gjyq politik për përjashtimin e 8 deputetëve, PD: Qëllimi Edi Ramës, t’i mbyll gojën opozitës!

Kërkesë absurde e Partisë Socialiste me urdhër politik në vazhdën e synimeve dhe qëllimeve të Edi Ramës për t’i mbyllur gojën opozitës, e ka cilësuar Nënkryetari i Partisë Demokratike, Luçiano Boçi, kërkesën e PS për përjashtimin e 8 deputetëve të PD.

Pas dëgjesës nga Komisioni i Votimit dhe Etikës, Luçiano Boç,i tha se këtë gjyq politik në përpjekje për eleminimin e pluralizmit të opozitës dhe fjalës së lirë, Edi Rama e ka bërë me ndërkombëtarët.

“Skandali ka plasur McGonigal, e ka bërë gjatë këtyre 10 viteve me një terror politik të paparë, dhe vazhdon ta bëjë në parlament duke kërkuar të fikë zërin e qytetarëve, sepse zëri i deputetëve është zëri i qytetarëve, dhe kërkon edhe sot që ky zë të mos transmetohet nën pretendimin që këto mbledhje janë të mbyllura,” tha Nënkryetari i PD duke akuzuar PS dhe Edi Ramën pse nuk lejoi që kjo dëgjesë të jetë e hapur për media ndërsa foli dhe për shkeljen e rradhës të Rregullores:

“Në rregulloren e Kuvendit është e shkruar e zeza mbi të bardhë. Në momentin e dorëzimit të kërkesës, shqyrtohet për përjashtimin e deputetëve brenda 48 orëve dhe e ka neni 65 fraksion 2. Kjo pikë e rregullores nuk është respektuar, nga ky gjoja sekretariat i etikës dhe i rregullores,” tha Nënkryetari i Partisë Demokratike, Luçiano Boçi, duke konstatuar se çdo gjë është jashtë procedurës dhe afateve, dhe nuk duhet të ishte zhvilluar fare kjo seancë ndërsa për përjashtimine deputetëve as që duhej të mendohej.

Ndryshe, pas refuzimit të Kryetares së Parlamnetit Lindita Nikolla për mocion me debat me Kryeministrin Edi Rama rreth “Skandalit McGonigal”, deputetët e Partisë Demokratike kanë protestuar dhe e gjitha përfundoi me kërkesën e PS për përjashtim të 8 deputetëve të PD, kërkesë kjo që sot u bë realitet nga Komisionit i Votimit dhe Etikës.

Ndërkohë që Kryeministri Edi Rama iu bind “miqëve” të tij ndërkombëtarë dhe pranoi mocionin me debat dhe futi në Rendin e Ditës së seancës plenare, ai nuk hoqi dorë nga përjashtimi i deputetëve, Luçiano Boçi, Albana Vokshi, Ervin Salianji, Ina Zhupa, Luan Baçi, Tritan Shehu, Gazment Bardhi dhe Bledion Nallbati.

Deklaratë:

Kemi kërkuar që ky gjyq politik për përjashtimin e 8 deputetëve të PD të zhvillohet i hapur ndaj mediave me qëllim që opinioni publik të dëgjojë mendimet e deputetëve, argumentet e tyre për një kërkesë absurde të PS me urdhër politik me vazhdën e synimeve dhe qëllimeve të Edi Ramës për t’i mbyllur gojën opozitës në atë përpjekjen që është shfaqur, tashmë të tijën personale dhe politike për eleminimin e pluralizmit të opozitës dhe fjalës së lirë.

E ka bërë me ndërkombëtarët, skandali ka plasur McGonigal, e ka bërë gjatë këtyre 10 viteve me një terror politik të paparë, dhe vazhdon ta bëjë në parlament duke kërkuar të fikë zërin e qytetarëve, sepse zëri i deputetëve është zëri i qytetarëve, dhe kërkon edhe sot që ky zë të mos transmetohet nën pretendimin që këto mbledhje janë të mbyllura.

Rregullorja e nenit 35 e ka përcaktuar qartë që mbledhjet e komisioneve dhe mbledhjet e sekretariateve bëhen të hapura ndaj medias. Ju e përjetoni vetë këtë lloj censure, këtë lloj pengese. Jeni bërë mbështetës të zërit tonë, ju falenderojmë, sepse e dimë shumë mirë që nëpërmjet facebook-ut keni transmetuar në vazhdimësi mbledhjen.

Kemi kërkuar që të respektohet rregullorja dhe etika nga sekretariati, sepse mbi rregulloren e kuvendit është e shkruar e zeza mbi të bardhë. Në momentin e dorëzimit të kërkesës, shqyrtohet për përjashtimin e deputetëve brenda 48 orëve dhe e ka neni 65 fraksion 2. Kjo pikë e rregullores nuk është respektuar, nga ky gjoja sekretariat i etikës dhe i rregullores.

Sipas kësaj rregulloreje çdo gjë është jashtë procedurës dhe jashtë afateve, nuk duhet të ishte zhvilluar fare dhe përjashtimi i deputetëve nuk duhet të mendohej, jo më për t’u futur në argumenta që janë qesharakë.

– Kush e vendosi që të bëhej ditën e sotme ky komision?

Boçi: E ka vendosur Edi Rama, me urdhër të Edi Ramës. Është zgjidhur ky rebus. Të gjitha bëhen me urdhra politikë dhe merren nëpërmjet telefonit. Bëjeni sot, sepse afati dhjetë ditor përfshin përjashtimin e deputetëve brenda dy seancave. Se ancës së ditës së hënë dhe seancës së ditës së enjte, sepse po të ishtebërë brenda 48 orëve, 10 ditët ishin pa seancë dhe të gjithë deputetët duhet të ishin në dy seanca.

Matematikë e Edi Ramës nga zyra e tij që opozitës t’i mungojnë 8 zëra në parlament dhe që opozitës t’i fiket zëri.

– Si do e zhbllokoni këtë mënyrë bllokimi nga ana e mazhorancës për deputetët, sikurse ka ndodhur më herët që kanë kërkuar përjashtimin e disa deputetëve. Do vijoni ta bllokoni foltoren duke e kthyer në këtë lloj rutine të përjavshme kur ka seanca plenare?

Boçi: Më vjen mirë që përjashton faktin që kemi përjashtimin në masë të deputetëve, si një ngjarje e jashtëzakonshme e pa ndodhur më parë në parlamentarizmin shqiptar, dhe kudo rajonal, dhe pse jo botëror. Nuk jam dakord me pjesën e bllokimit të foltores. Kemi bllokuar foltoren, kemi ushtruar të drejtën tonë. Marrjen e fjalës brenda seancës, një e drejtë parlamentare për procedurë, për procesverbalin dhe kjo e drejtë është mohuar në vazhdimësi.

Rregullorja parashikon që në kërkesën në mocion për debat të gjithë deputetët që e kanë kërkuar atë mund të dalin në grup përballë foltores, ku njeri prej tyre tansmeton dhe parashtron kërkesën për mocion, apo e mbron kërkesën për mocion.

Pra, nuk kemi bllokuar foltore, do vazhdojmë apo jo për të bllokuar foltoren nuk është pyetja e duhur, do vazhdojmë të ushtrojmë të drejtën tonë si deputetë të zgjedhur nga 640 mijë votues, dhe kjo e drejtë nuk mund të na mohohet nga të gjitha rrugët ligjore për të ushtruar të drejtën tonë.

– Z.Berisha ka deklaruar ditë më parë që do të ketë një protestë në orën 10 për përjashtimet e deputetëve?

Boçi: Nuk jeni e saktë për përjashtimin e 8 deputetëve. Do bëhesh protesta, sepse ne kemi kërkuar zhvillimin e një seance. Ishte parashikuar që të zhvilluar ditën e sotme, sipas rregullores seancë pyetjesh. Pyetjet janë depozituar dhe seanca është refuzuar pikërisht përsëri nga këta që duan të bëjnë sot gjyqin politik.

Pavarësisht javës së gjelbër, kërkesa është urgjente, dorëzohet seancë pyetjesh, dhe pavarësisht javës së gjelbër, kryeministri duhet të vijë dhe tëparaqitet. Është refuzuar, dhe nuk është për përjashtimin e 8 deputetëve.

Kjo ka qenë kërkesë për zhvillimin e një seance pyetjesh me kryeministrin. Është trembur përsëri nuk ka ardhur, por ka lëshuar këto zarët e tij me qëllim që të bllokojë zhvillim e seancës. Dhe ja ku jemi sot përpara një gjyqi politik në vazhdën e telefonatave, urdhrave politikë që ai i jep vazhdimisht nga ajo kamarja ku është futur, apo vrima ku është futur siç përdoret rëndomë.

Edhe sot e kësaj dite nuk e dimë se ku është kryeministri, nuk e dimë nëse do vijë në parlament, se ka frikë i ziu që të përballet me të vërtetën dhe me atë çka i ka plasur në dorë.

– Z.Boçi ka nisur edhe një nismë për shkarkimin e kryeparlamentaren Lindita Nikolla të firmosur nga 28 deputetë të PD, çfarë po bëhet me këtë procedurë që është ndërmarrë?

Boçi: Ja këto janë takimet e absurdit në jetën parlamentare, kur evidentohet qartazi që drejtuesja e seancës, apo kryeparlamentarja shkel rregulloren dhe kërkohet përjashtimi i saj për këtë. Bëhet dhe një gjyq paralelisht për përjashtimin e deputetëve. Dhe ne e kemi thënë që është ajo që e ka penguar fjalën e deputetëve.

E kemi argumentuar në tabelën e votimit, keni parë kërkesat e deputetëve që kanë këkruar fjalën për procedurë. Ka qenë po e njëja drejtuese që e ka refuzuar edhe në seancën e kaluar. Ka përjashtuar në mënyrë të paligjshme, ka falsifikuar argumentat në kërkesën e paraqitur. Ka falsifikuar procesverbalin në seancën e kaluar për të cilin ne këmi dhënë mendimet tona, i kemi argumentuar dhe çdo gjë është bërë nën urdhra politikë. Është një lloj manekini që i përgjigjet komandave të caktuara. Ajo që nuk duhet të vazhdojë është kjo pjesa e maskaradës politike, e gjyqeve politike me dyer të mbyllura për të pushkatuar politikisht deputetët e opozitës.

– Çfarë pritshmërie keni nga Këshilli i Legjislacionit për kërkesën e shkarkimit të Nikollës?

Boçi: Si pyetje retorike më duket kjo, por megjithatë po jap një përgjigje meqënëse më pëlqejnë kur ma bëjnë këtë pyetje dhe e përforcoj me një përgjigje të natyrës së tilë retorike. Do ta mbrojnë me aq zjarr saqë sikur të ishte vetë Rama përballë tyre deputetëve të mazhorancës.

Votat i kanë se i tundin votat, i kanë madje i bëjnë dhe me dy duar tani, dhe rrezik të votojnë me dy duar përsëri për mospërjashtimin e asaj që bën gjyqe politike ndaj deputetëve të opozitës dhe iu ndërpret fjalën sa herë që ata ia kërkojnë me mesazhe, sa herë që ajo e ndjen që duhet ta ndërpresë, sa herë që seanca ikën nga duart në paraqitjen e fakteve dhe argumentave.