Gjyqi publik, Berisha: Rama shkeli ligjin e sportit, zonën e klubit Partizani e shndërroi në zonë urbane

Duke vijuar me gjyqin publik ndaj Kryeministrit Edi Rama, Kryetari i Partisë Demokratike, Sali Berisha, sot ka publikuar dokumente lidhur me tjetërsimin e terreneve të Klubit Sportiv Partizani nga Edi Rama, në kohën kur ishte Kryetar i Bashkisë Tiranë.

“Edi Rama për ndryshimin e destinacionit, në kundërshtim flagrant me ligjin, të klubit sportiv Partizani nga terren sportiv në zonë urbane, u fsheh duke mashtruar pas ndryshimit të ligjit. E vërteta është se ai vetë pohoi se para ndryshimit të ligjit, Edi Rama ka firmosur në shkelje flagrante dhe të dënueshme të ligjit të urbanistikës, kalimin nga zonë sportive në zonë urbane dhe ka firmosur lejen e tij, të asaj pjese territori,” tha Kryetari i Partisë Demokratike, Sali Berisha, duke siguruar se PD si një parti e kushtetushmërisë dhe shtetit ligjor, kurrë nuk do të pranojë që një njeri të shkruajë Kushtetutën sipas porosive dhe të bëhet xhelat i Kushtetutës sipas porosive të një njeriu që nuk ka ligj e moral.

Deklaratë:

Edi Rama, i tronditur, i tmerruar nga krimet e tij, ka urdhëruar grupi e organizuar kriminal brenda SKAP-it dhe në Gjykatën Speciale të shkruajë Kushtetutën në tavolinë sipas porosisë së tij.

Shkruarja e Kushtetutës në tavolinë sipas porosisë së Edi Ramës, përbën aktin më të rëndë antikushtetues të 32 viteve të fundit. Akt të cilin, nuk e ka lejuar vetes ta bëjë gjer sot asnjë gjykatës, asnjë prokuror, në asnjë qeveri dhe cilido të ketë qenë ai.

Pas kësaj, fshihen të gjitha veprimet tjera, të grupit të strukturuar kriminal Kraja-Millonai-Gjoka.

Unë jam zotuar të vazhdoj me ju, gjyqin publik kundër Edi Ramës për një mungesë të një dokumenti në seancën e parë, jam i detyruar të rikthehem prape, me një plotësim të asaj seance.

Siç e patë, Edi Rama për ndryshimin e destinacionit, në kundërshtim flagrant me ligjin, të klubit sportiv Partizani nga terren sportiv në zonë urbane, u fsheh duke mashtruar pas ndryshimit të ligjit.

E vërteta është se ai vetë pohoi se para ndryshimit të ligjit, Edi Rama ka firmosur në shkelje flagrante dhe të dënueshme të ligjit të urbanistikës, kalimin nga zonë sportive në zonë urbane dhe ka firmosur lejen e tij, të asaj pjese territori.

Kjo është firma e Edi Ramës. Leja e ndërtimit!

Kjo është leja e sheshit të ndërtimit dhe këtu është firma, në dhunim flagrant të ligjit, e Edi Ramës.

Ndryshimi prapa të cilit u fsheh Rama, e dënon Ramën. Rama dënohet sepse neni 31, ky nen ka kusht, terrenet sportive privatizohen nga pronari ose jepen me koncesion, me kusht që të mos u ndryshojë destinacioni.

Ky është plani i rregullimit të territorit për Tiranën, i hartuar direkt nga Edi Rama me kompaninë zvicerane UrboPlan, nën drejtimin e Artan Agollit dhe Majlinda Dhulit. Udhëheqës Edi Rama, asistent Ed Shalsi. Zona këtu 12-12 është zona e klubit Partizani, të cilën Edi Rama e ka shndërruar totalisht në zonë urbane.

Pjesa tjetër, Edi Rama në kundërshtim me ligjin e urbanistikës, në kundërshtim me ligjin për sportet të amenduar, e shndërron kundrejt një valixhe, supozohet me euro apo dollarë, e shndërron në zonë urbane tërësisht.

Pra, nëse për të parën tha se aty kishte disa baraka, magazina, këto ishin fusha. Fusha futbolli, volejbolli, basketbolli, etj.

Pra, është Edi Rama, ai që ka shkelur ligjet e vendit. Është Edi Rama ai që duhet të gozhdohet nga një drejtësi e vërtetë dhe jo Sali Berisha.

Sali Berisha përkundrazi u ka dhënë garanci terreneve sportive që nuk mund të ndryshojnë destinacionin.

Kjo është e vërteta. Dhe nëse ka një fajtor të vetëm në të gjithë çështjen, ky është Edi Rama, shkelësi i ligjit mbi bazë korrupsionin.

Ai mashtroi shqiptarët kur tha se këto të tjerat erdhën pas ndryshimit të ligjit për sportin. Por ja që ligji i sprtit u ndryshua për pronësinë e pronarit, por nuk u ndryshua kurrë për destinacionin.

Kjo u bë në kundërshtim me përcaktimet e ligjit të sportit që destinacioni nuk ndryshon.

Me këtë UrboPlan, janë bërë konsultime nën udhëheqjen direkte të Shalsit, ndër të tjera edhe në hotel Tirana dhe nuk përjashtohet mundësia që po të gjeni filmimin, të ketë aty edhe pronarë të territorit të klubit.

Ja pra, kush është autori i shkeljes së vetme ligjore, që shërbehet nga tre mercenarë, të cilët kanë kryer dhe njëherë, aktin më të rëndë në historinë e vendit, duke shkruar Kushtetutën në tavolinat e tyre, për të cilën i garantoj se do mbajnë përgjegjësinë më të rëndë, njësoj si Edi Rama në parlament.

Kurrë nuk pranojmë si një parti e kushtetushmërisë dhe shtetit ligjor, që një njeri të shkruajë Kushtetutën sipas porosive dhe të bëhet xhelat i Kushtetutës sipas porosive të një njeriu që nuk ka ligj e moral.

Pra, del qartë se e vetmja shkelje ligjore është e atij me tre mercenarë. Bën një puç kushtetues, kundër rendit kushtetues të vendit dhe mendon se Kushtetuta si një defter i tij, mund të përdoret për deputetët e PS, kurse për armiqtë e popullit ajo nuk ka vlerë.

Ai dhe ata të cilët kanë bërë këtë, do përgjigjen gjer më një për aktin e tyre antikushtetues.

PYETJE PERGJIGJET ME GAZETARET

Ju thoni se z.Rama paska ndërruar destinacionin kur ai ka qenë kryetar i bashkisë në kundërshtim me ligjin. Por sot, lind pyetja, a kishte Sali Berisha fuqi në atë kohë dhe qeveria e tij, për të marrë masa dhe për ta ngritur këtë shqetësim në organet e asaj kohe, sepse del qartë sipas jush që z.Rama paska bërë një shkelje nën hundën tuaj, pra të qeverisë së PD. Dhe ju nuk keni bërë asnjë gjë për këtë shkelje?

Jo, nuk është ashtu. Unë për t’i vënë fre Edi Ramës bëra dekret. Shfrytëzova të drejtën kushtetuese të aktit normativ, se ligji i urbanistikës nuk kishte hapësirë.

Dhe pasi filloi të ndërtonte si trashëgimi të vetën bërdungullën tek Zogu i Zi, që ishte shëmtimi më i madh që mund t’i bëhej qytetit të Tiranës, përveçse të mbusheshin xhepat e Edi Ramës. Kur ndërhyra aty unë bëra një dekret, më të cilin autorizoja prefektin të mblidhte dhe të anulonte vendimet e Këshillit të Territorit të Rregullimit të Bashkisë. Pra, veprova në lidhje me ligjin në fuqi.

Edi Rama këtë çështje e ngriti në Strasburg, në Ke, në Kongresin e Autoriteteve Lokale Rajonale, si një akt të cilit unë i uzurpova autonominë lokale bashkive.

Edi Rama e paditi këtë akt në Gjykatën Kushtetuese. Autoritetet Rajonale Lokale të Europës, kryetari i tyre erdhi në Shqipëri dhe bëri një deklaratë të fortë kundër Sali Berishës për Zogun e Zi. Që ke ndërhyrë si kryeministër, nuk mund të ndërhyje kurrë në një projekt të bashkisë.

Por pas kësaj deklarate, problemi është se, Gjykata Kushtetuese me datën 10 nëntor, vendimin Edi Rama e kishte marrë më datën 8 qershor të 2006. Vendimin për ndërrimin e zonës së parë nga sportive në urbane. Më datën 10 nëntor Gjykata Kushtetuese rrëzon dekretin e qeverisë. Sali Berisha nuk kishte më asnjë hapësirë, vetëm të bënte betejë Don Kishoteske me qeverinë vendore, sepse u rrëzua ligji mbi bazën e të cilit unë ndërhyra të Zogu i Zi.

Më datën 21 ose 22 nëntor unë shqyrtova tani vetëm noter, sepse vendimi i Gjykatës Kushtetuese më kishte hequr mua cdco mundësi për të ndërhyrë. Në të gjithë praktikën time, pikërisht për këto shkaqe ligjore, i vetmi vendim i Edi Ramës që unë kisha ndërhyrë edhe me ligj ishte Zogu i Zi, në asnjë rast tjetër.

Sepse në qoftë se e njeh problemin, nuk ka diskutim që ajo duhet të jetë e drejtë ekskluzive për shkak të të gjithë tërësisë të teknikaliteteve që ka ai proces. Në atë proces në bashki janë disa drejtori që involvohen dhe e konkludojnë. Kështu që, unë nuk kiisha më, isha thjesht noter.

Dy opsione, pra, noter. Po ta refuzoja nuk kisha ligj. Për t’i dhënë goditjen përfundimtare në dhjetor Gjykata Kushtetuese bën një vendim përjashton çdo mundësi të qeverisë të ndërhyjë dhe ajo do bëhej vetëm me ankesa në gjykata. Pra. Po të kishte ankesë kush do shkonte në gjykatë dhe qeveria kishte zero tagër që të mund të ndërhynte pasi rrëzoi ligjin. Kjo është e vërteta.

Tani, bëj pyetje unë: a u thirr Edi Rama për këtë ndryshim zone. Eid Rama jo që nuk u thirr, por ka rrezik që me valizhen e eruove që mori ndërtoi këto dhe ato.

Pra, kemi të bëjmë me një rast të pastër korruptiv.

E dyta, pas kësaj, ai iu tha ju se u ndryshua ligji. Ligji, përkundrazi nuk ndryshoi asnjë gërmë përsa i përket destinacionit, por ai nuk ndalej. Nuk dua ta krahasoj, por një poet i madh arab ka një vjershë për një nga rilindasit tanë, në të cilën thotë: Thonë se vdiq filani, për respekt nuk po ia them emrin. Jo tha, gabohesh se nuk ka vdekur. Për ta provuar këtë, shko hidh ca monedha tek varri i tij se si zgjohet dhe i merr.

Në aspektin tjetër nuk ka asnjë lidhje me të. Në aspektin e xhepit është si me qëne vëlla siamez i tij, ua them unë ju. Pavarësisht se arabi e ka shkruar këtë nga fundi i viteve 900, se ky ishte i shquar në fakt.

Faktori ndërkombëtar ditën e djeshme, por edhe ditën e sotme ka shprehur shqetësim lidhur me situatën në parlamentin e Shqipërisë dhe u ka bërë thirrje palëve për t’u ulur në dialog për të kthyer funksionalitetin e parlamentit. Z.Berisha a jeni ju dhe grupi juaj të gatshëm të uleni në tryezë me PS, dhe a do të ketë parakushte për këtë diskutim?

Ju e patë, një reaksion i jashtëzakonshëm ishte. Ju e patë se si ai tym shumëngjyrësh u shndërrua në një ylber, në një dritë të vërtetë botërore për të vërtetën e opozitës shqiptare. Dhe në një blozë të vërtetë për Edi Ramën dhe Lindën e tij në parlament. Blozë!

Ju e patë vetë. Edhe sot lajmet vazhdojnë. Edhe sot mediat botërore hapen me këtë çështje, edhe sot. E pakonceptueshme, të mohosh një të drejtë kushtetuese deputetëve për të hetuar qeverinë. Nuk mund ta bësh kurrë këtë. Ti i asgjëson ata në qoftë se e bën këtë. Çfarë negociate? Me Kushtetutën nuk ka negociata. Të zbatohet Kushtetuta!

Çfarë negociate? Po kërkojmë ne gjë ekstra? Vetëm Kushtetutën. Zbatimi i Kushtetutës është kthimi ynë në jetë normale. Ne jemi në parlament, në protestë, por normalizimi i jetës parlamentare. Nuk ka nevojë për asnjë negociatë. Të shpallet vendimi që opozitës nuk mund t’i preket përfaqësuesi që cakton. Kurrë nuk ka ndodhur, që përfaqësuesit tanë në komisione, kur janë bashkëkryetarë, të na i caktojë qeveria. Nuk e bën kush në botë këtë, përveç atij që është rikthyer në genin e etërve të tij xhelatë të diktaturës komuniste.

Si mund të bëhet? Po kjo nuk ka lidhje me parlamentin. Si mund të shkruajë një kriminel në tavolinë nenin e Kushtetutës? Këtë nuk mund ta bëjë kurrë. Ai e shkruan me Edi Ramën, por ai do ketë një fat që e meriton me këtë që ka bërë. Me këtë që ai ka bërë, me atentatin që i bën Kushtetutës së vendit, do përgjigjen gjer në fund. Ta ke kenë shumë të qartë. Jemi të vendosur ta mbrojmë me çdo mënyrë Kushtetutën. Jemi të vendosur ta mbrojmë Kushtetutën kudo.

Po si mund të pranohet të ulet një gjykatëse kriminele, që fshihet prapa krimit të vetë dhe të thotë duke tejkaluar Kushtetutën, vendos këtë apo atë vendim. Ky është puç kushtetues. Shqiptarët duhet ta dinë mirë, për mua kjo është ushqim për betejë. Ndjehem komod dhe më i përkushtuar, se jam ish-president, jam ish-kryeministër, jam deputet i betuar në Kushtetutë. Nuk ka forcë në botë që më pengon mua për ta mbrojtur atë. Do e shohin, ky është vetëm fillimi. Ia them Edi Ramës, por edhe atyre larove. Se njeriu, po të kërkojë një gjë të tillë, i thua: jo mor zotëri, unë këtë gjë nuk mund ta bëj, Kushtetutën nuk mund ta shkruaj se më thua ti. Largohem unë nga detyra, gjej një tjetër që shkruan Kushtetutën, po unë s’e shkruaj kurrë Kushtetutën. Unë jam shërbëtor nën Kushtetutë.

Këtu kanë ndodhur hata shumë të mëdha. Pra, kemi një njeri që ka konfiskuar Kushtetutën. Është vetëm fillimi i betejës.

Nuk provokuam ne. Jo! Ne duaruam, duruam një muaj, duaruam 5 muaj, duruam 6 muaj. Duruam ne. Ne çuam rezolutën për Kosovën. Dy vjet rezoluta aty. Po ti sille rezolutën, rrëzoje me vota. Si mund të marrësh rezolutën tonë. Çfarë jemi ne? Kjo është betejë për jetë a vdekje për Kushtetutën, dhe do fitojmë. Natyrisht do kohën e vet. A e patë apo jo, se si transformua tymi në dritë?  Pse u transformua tymi në dritë? U transformua tymi në dritë nga e drejta. Sepse prapa tymit qëndronte e drejta. E drejta e një një grupi që po mbron Kushtetutën e vendit të vetë. Kaq është e gjithë puna, e gjithë filozofia.

Z.Berisha, në strategjinë tuaj politike, kur do të jetë koha e nisjes së protestave. Është janari një muaj i përshtatshëm?

Tani, mbani shënim. Protestat do të jenë tani gjer në realizimin e qëllimeve të plota, rikthimin e votës së lirë te shqiptarët. Kjo është shpall betejë pa kthim.

Në lëvizje, nuk duhet të gjykohet lëvizja. Lëvizja duhet të gjykohet me persistencën e saj. Po ajo ka ondulacionet e veta, ajo ka kulme dhe rënie, i ka të gjitha. Rëndësi kapitale ka persistenca. Dhe unë e garantoj Edi Ramën se ky është vetëm fillimi. Është vetëm fillimi. Na duhet edhe pak kohë. Na duhet, sepse pasi të bindim shqiptarët për gjëmën që ky u bën atyre, duke konfiskuar Kushtetutën, atëherë do shohi se çfarë rreziku.

Të nderuar, SKAP-i funksionon në mënyrë absolute identike me hetuesinë e Sigurimit të Shtetit. Haptas. Sepse merr përsipër të shkruajë Kushtetutën.

Po a nuk i shkuan asaj zonjës në Himarë që e akuzuan në 2 të natës. Nënë me 3 fëmijë pa burrë në shtëpi. Dhe i la fëmijët në shtrat, dhe e morën mizorisht dhe e prunë në Vlorë. A e bënë atë? Ajo sihte shokuese. Që në momentin që t’i kryen një akt të tillë, tregon që ti nuk ke asnjë bazë. Se njeriu që ka baza dhe prova nuk i bën kurrë këto, por pret të zgjohet Kushtetuta, që në orën 12 deri në orën 6 nuk mund të shkosh në shtëpinë e tjetrit, përveçse po pati vrasje.

Me një fjalë. Dhe ju garantoj një gjë këtu. Do merrni vesh dora dorës fyyrën më të zezë, më të shëmtuar të SKAP-it dhe të disa përfaqësuesve të drejtësisë së re. Do dëgjoni gjëra që dalin jashtë çdo imagjinate, por do e bëjnë këtë se ata janë shndërruar në hanxharë të Edi Ramës.

Të fut ty sot në burg, vendos gjykatësja në burg dhe nuk zbardh për 75 ditë vendimin e saj. Të ka dënuar 60 ditë, dhe mbetesh në burg 75 ditë se nuk zbardh vendimin kriminelja Do dëgjoni shumë se çfarë monstre është krijuar nga Edi Rama. Nuk ndodhin këto kurrë! Dhe këto që them, është jo me një, por me shumë. Por gradualisht, se unë e kuptoj që kjo është e lokalizuar, por një temë e një rëndësie jetike për liritë e qytetarëve.

Të hënën thatë që po afron dita e protestave pafund, ndërkohë që një ditë më parë kur kolegët pyetën, u shprehët që ne nuk heqim dorë, do të përshkallëzohet aksioni në momentin e tij. Çfarë ndryshoi  nga një ditë në tjetrën z.Berisha?

Dy gjëra. Ju lutem t’i dalloni.

Protesta në parlament është protestë kushtuar të drejtave kushtetuese të deputetëve në parlament. Dhe ne kemi zgjedhur atë formë në mënyrë që të gëzojmë atë që na jep Kushteuta, jo largimin nga parlamenti. Se jë formë e zakonshme, dhe në qoftë se do ishim ne jashtë parlamenti, jam e sigurtë se njerëzit do thonin: mirë bënë, se përderisa këta si japin këto të drejta, nuk kanë pse rrinë në parlament.

Jo, ne qendrojmë aty, e thashë edhe njëherë. Ai tym u bë dritë për botën, për kauzën e vërtetë të deputetëve. U bë blozë për Edi Ramën.

Tani, a lëshon Edi Rama? Jo, nuk lëshon Edi Rama. Ne vazhdojmë në parlament, vazhdojmë jashtë parlamenti në momentin që e konsiderojmë oportune për ne, jo kur do ai. Ne shohim se kemi një performancë të shkëlqyer në mosbindjen civile në parlament.

Po, hyri në Gines ai për buxhetin e votuar në 4 minuta. As Kim Jong Un nuk ka bërë një akt të tillë. Jo, absolutisht, kurrë.

Lexoni mediat. Nuk ka ngelur media botërore që nuk e ka shënuar 4 minutshin. Vazhdojmë, por durim. Ne nuk na soset durimi. Në këtë betejë ne persistojmë.

Ditën e nesërme konferenca e kryetarëve pritet të miratojë dhe kalendarin e punimeve deri në fundvit. Një nga çështjet që pritet të miratohet dhe të votohet në Kuvendin e Shqipërisë është edhe çështja e emigrantëve, marrëveshja e Italisë dhe Shqipërisë. Z.Berisha, do e çoni këtë çështje në Gjykatën Kushtetuese, sepse keni deklaruar që ka shkelje kushtetuese kjo çëshjte, në një kohë që keni thënë që nuk jeni për protesta edhe pas komunikimit që keni patur me zv.kryeministrin italian.

Në mbledhjen e fundit të grupit parlamentar, kemi bërë një diskutim relativisht të gjatë, por pa konkluzion për këtë çështje. Dhe u shty që diskutimi pikërisht për këtë çështje, të dërgimit ose jo në Gjykatën Kushtetuese, të vazhdojë në një mbledhje të veçantë.

Do mblidhet vetë grupi dhe do vendoset si të gjykohet më e përshtatshme.

Vetë jeni për ta dërguar z.Berisha, apo jo?

Unë nuk do prononcohem publikisht përpara vendimit të grupit, Unë do ndjek diskutimet dhe do mbështes vendimin e grupit pa asnjë lloj ekuivoku.

Ju falënderoj!