“Gjyqtarët pas hekurave”, Basha: Edi Rama, një hajdut që i trembet drejtësisë!

By Pa frike Last updated Tet 13, 2020 729

Gjyqtarët e korruptuar duhet të shkojnë pas hekurave! Kjo deklaratë tha Kryetari i Partisë Demokratike, Lulzim Basha, vjen nga një hajdut që i trembet drejtësisë ndërsa Reforma në Drejtësi është e kapur nga Partia Socialiste. Sistemi shëndetësor, sipas Bashës, është në kolaps ndërsa me reagimin e sotëm të Kryeministrit rezulton se ai ishte në dijeni për Planin e PD prej 5 Pikave.

“Është e qartë se drejtësia është korruptuar nga politika. Sa kohë që të jetë Rama kryeministër, sa kohë që ka qeveri të korruptuar, nuk ka drejtësi. Reforma në drejtësi është e kapur nga PS-ja. Kësaj drejtësi i them që të ndëshkojë çdo politikan të korruptuar, duke nisur nga qeveria ime e në vazhdim.

Mjafton të shohësh rastet Tahiri, Dako etj, që flasin për politikë të korrupatuar. Edi Rama e mban Vangjush Dakon në Kryesi. Dako ka bërë batërdi me urdhër të Edi Ramës. E njëjta gjë edhe me të drejtët. Edi Rama ka tmerr gjyqtarët dhe prokurorët e pavarur. Me këtë qeveri nuk ka për të pasur drejtësi,” tha Lulzim Basha duke shtuar se me këtë Kryeministër do vazhdojnë ta sabotojnë çdo aspekt të Reformës në Drejtësi, siç kanë bërë deri më sot.

“Duhet të ndalim këtë barbari dhe çmenduri, që po na kushton jetë dhe shëndet njerëzish. Ai është bërë për qindra ndjekje penale, por nuk e zgjidh problemin kjo gjë. Janë paratë e tua, taksat, TVSh, ju paguani, shqiptarët, nuk mund të na i çojë inicatorëve, t’ua çojë kontraktorëve etj. Nuk po paguan mjekët dhe jo më ushtarakët. Janë familjarët e shumtë në vështirësi, biznesi i vogël etj. Duhet t’i paraprijmë kolapsit.”

Duke folur për përballimin e pandemisë, Basha tha se sistemi shëndetësor është në kolaps.

“Shqipëria u gjet e papërgatitur në periudhën e parë, por koha e kaluar nga ai moment nuk ka shërbyer asnjë grimcë që qeveria të nxjerrë mësimet e duhura. Sot që flasim, nga burimet e brendshme të spitaleve Covid 1 dhe Covid 2, kapacitetet e tyre për të trajtuar të sëmurët janë të shteruara.

E mbani mend inaugurimin me bujë të spitalit Covid 3. Cfarë po bëhet? S’ka asnjë investim. S’ka Covid 3 ka vetëm propagandë. Ajo që paralajmëruam prej dy javësh, po ndodh. Sistemi shëndetësor po shkon drejt kolapsit. Kolapsi është realitet, s’është më paralajmërim.

Dje folëm për ekonominë, për një krizë të rëndë që ka përfshirë cdo sektor të ekonomisë e që po rëndon mbi jetën e shqiptarëve. Sot, flas për diçka edhe më akute, për shëndetin. Ndërsa e gjithë bota, rajoni e vendet fqinje, kanë kaluar javët e muajt e verës për t’u përgatitur për një përballje të dytë, i vetmi që s’ka marrë asnjë masë, është Edi Rama.

I është rikthyer ritualit të dërrdëllitjeve, po sa i përket Covidit- ka vetëm një fjalë, Vini maskën!” tha lideri i opozitës duke shtuar se Edi Rama nuk ka asnjë plan.

“Ka njofotuar paketën e tretë po nuk ka paketë të tretë. Ka braktisur detyrën elementare të qeverisë , mbrojtja e shëndetit të njerëzve. Sot, është Zëri Amerikës që e thotë se infektimet janë rritur e testimet kanë rënë. Kjo është neglizhencë kriminale, është për ndjekje penale. Do ketë kohë edhe për këtë. Të lerë bredhjet si Robert Camcakëzi nëpër kantjerë e të marrë përgjegjësitë.”

Me këtë rast Basha i bëri thirrje qeverisë që të heqë protokollin e parë dhe të fusë në këtë betejë kundër COVID-19 dhe mjekët e familjes, në mënyrë të tillë që mos të ketë rritje të numri të viktimave.

“Situata në spitalet COVID ka arritur në pikën e ngopjes. Jepi në pikun e shifrave, kjo është përgjegjësi e Ramës dhe kukullave të tij. Ata mjaftohen me; vër maskën, ose të vura gjobën. Fuqizimi i rolit të mjekut të familjes, është kërkesa e grupit të ekspertëve të PD-së. Sot s’dua të them se kush është përgjegjësi, por për të paktën ata që punojnë në këtë sistem, që të ngrenë zërin deh të kërkojnë urgjentisht heqjen e protokollit të parë, para se të rritet numri i vikamave. Përfshirja e mjekut të familjes është një nga rrugët efikase për këtë luftë. Ai duhet të zgjidhë qesen. Dy COVID-et i ka plot. Spitalet rajonale i ka jashtë loje. Ça do bëje ky do presë që të infektohen të gjithë shqiptarët! Kjo është kriminale. I kërkoj mjekëve, fytyrave të njohura, që mos të heshtin, pasi përndryshe janë bashkëpërgjegjës. Ky njeri, s’ka marrë asnjë masë,” konstaton Kryetari i PD duke shtuar se spitalet rajonale, duke qenë se COVID-3 është iluzion, nëse behet gati dhe kur bëhet gati, duhet që të përgatiten për pacientët ndërsa përfundoi:

“Mjekët tanë i kanë kapacitetet, edhe pse ky i ka gënjyer, si ka dhënë lekët e premtuara. A thua se duhet të rritet numri i të infektuarve. Mund të ishin trajtuar personeli dhe në vend që mbingope dhe të kolapsohet struktura shëndetësore që trajton COVID-in.”

Duke i dhënë një përgjigje Edi Ramës lidhur me lapsusin në konferencën e djeshme për media, për të cilën foli Kryeministri në rrjetet sociale, rezultoi se ai i dëgjon fjalët e Bashës, jo siç deklaronte dje:

“Dje e patë se si një njeri që kurrë nuk ka pasur sy, mendje e zemër për shqiptarët, është tallur me hallet e tij, e tradhtoi veten e tij. E kishte ndjekur konferencën tonë dhe ishte marrë me lapsusin tim. Herë tjetër kur të bëj lapsus do ta nxjerr unë i pari që të mos merret me këtë por të bëjë detyrën për të cilën është akoma aty. Nuk ka rëndësi nëse bëj 1 apo 2 lapsuse, lapsuset e mia nuk i kushtojnë asgjë shqiptarëve, asnjë lekë, asnjë qindarkë. Ajo që iu kushton shqiptarëve është e vërteta. Ajo që thashë dje, 6 në 4, është 6 në 10 e bizneseve, është shifër e BB, 6 në 10 e bizneseve që nuk nxjerrin fitim. Ja pra që i dëgjoka fjalët e mia, por jo për t’iu ardhur në ndihmë shqiptarëve, jo për të zgjidhur qesen por për të vazhduar vjedhjen e shqiptarëve dhe për ta mbushur hapësirë mediatike me gomarllëqe të tilla që tregojnë se kemi përpara jo vetëm një njeri që nuk ka përgjegjshmëritë minimale për të qenë kryeministër por ka cinizmin kriminal që të mos iu përgjigjet as kërkesave minimale për t’iu ardhur në ndihmë atyre.”

Në fund, duke iu rikthyer Planit të PD me 5 Pika për Rimëkëmbjen e Ekonomisë, Kryetari i Partisë Demokratike, Lulzim Basha, tha se Edi Rama do të mbajë përgjegjësi penale.

“Po i ripërsëris dhe një herë planin me 5 pika dhe t’i vërë gishtin kokës. Ky njeri i ka këto para, por ka zgjedhur që ato t’ja japë oligarkëve. S’do lodhem duke paralajmëruar Edi Ramën se çdo jetë do të humbet për shkak të neglizhencës së tij. Çdo vuajtje që do iu shtohet shqiptarëve për shkak të korrupsionit e babëzisë së tij, unë e konsideroj si kryerat i PD, si vepër penale, sot dhe nesër deri sa ta vë para përgjegjësisë. Edhe internimi, dëbimi nga Shqipëria se zgjidhin problemin. Sot mjekët nga brenda Covid-eve thonë se kapaciteti i dy spitaleve është i ezauruar. Ai meriton më shumë se kallëzim penal. Por nuk është ky lajmi. Nëse kjo sot, nesër në Shqipëri do të mbahet përgjegjësi. Shqiptarët kanë nevojë sot për ndihmë. Ju lus që të bëni gjithçka që ju takon sot. Situata ka kaluar në kolaps. Ajo që kemi paralajmëruar po ndodh në këto momente që po flasim. Po rritet numri i të infektuarve, pasi s’ka marrë asnjë masë. Mjekët janë jashtë loje. Shtimi urgjent i testimeve, me të paktën 2500 testime në ditë është një nga masat.”

Plani me 5 Pika i PD për Rimëkëmbjen Ekonomike:

1. Mbështetje dhe përgatitje e sistemit shëndetësor: Përgatitja për një shpërthim tjetër të infeksionit të COVID-19, duke:
a) Rritur numrin e testimeve për COVID në 2500 testime në ditë.
b) Rimbursim i plotë për marrjen e mjekimit ambulator kundër COVID.
c) Sigurimin e paisjeve mbrojtëse për të gjithë personelin shëndetësor dhe rritjen e kapaciteteve spitalore.
d) Bonus 1000 Euro për çdo mjek dhe 500 euro për çdo infermier për 6 muajt e ardhshëm.

2. Fëmijët tanë të arsimohen të sigurtë: Të garantojmë që fëmijët dhe mësuesit në shkollë të jenë të sigurtë, duke:
a) Përmirësuar kushtet sanitare në shkolla duke përfshirë furnizimin me ujë, paisjen me maska mbrojtëse dhe dezinfektimin e rregullt të ambienteve mësimore.
b) Kryer testimin periodik për mësuesit dhe stafin ndihmës.
c) Investuar në teknologji për rastet kur mund të aplikohet mësimi në distancë, përfshirë ndihmën për familjet me të ardhura të ulta për të blerë tableta për fëmijët e tyre, në mënyrë që edhe ata të përfitojnë nga mësimi në distancë.

3. Asnjë shqiptar të mos lihet pas dore:
a) Të mbështesim ata që kanë humbur vendin e punës. Çdo individ që ka humbur vendin e punës nga pandemia gjatë këtij viti, të përfitojë një çek mujor prej 16 mijë lekë të reja në muaj, përvec pagesës ligjore për papunësinë, për një periudhë prej 6 muajsh.
b) Krijimi i një Fondi të Punësimit për të mbështetur bizneset për të rimarrë në punë të larguarit gjatë pandemisë, duke i alokuar cdo punëdhënësi që rimerr në punë një individ që ka humbur vendin e punës prej pandemisë, një shumë mujore prej 20 mijë lekë të reja në muaj për një periudhe prej 6 muaj.
c) Dyfishimi i ndihmës ekonomike për çdo familje që trajtohet me ndihmë ekonomike.
d) Çdo pensionist të përfitojë një çek mujor prej 2 mijë lekë të reja në muaj për përballimin e kostove shtesë të pandemisë, për 6 muaj.
4. Ndihmë për biznesin e vogël: Mbështetje e drejtpërdrejtë për të gjitha bizneset e vogla të prekura nga pandemia. Çek prej 1000 euro për çdo biznes të vogël aktiv.

5. Mbështetje për biznesin prodhues dhe punëdhënësit e mëdhenj:
a) Për 6 muajt e ardhshëm, subvencionim i 50% të qirasë për ambjentet e punës ose heqje e taksës së pronës për bizneset pronare të ambjenteve të punës.
b) Shtrirja në kohë dhe rikonceptimi i kritereve të përfitimit nga të dy skemat e garancisë sovrane, për ta bërë më të aksesueshme dhe të përballueshme kredimarrjen nga biznesi. Përcaktimi i një tavani prej 2% të normës së interesit për biznesin, duke subvencionuar çdo përqindje mbi këtë vlerë në kredimarrjen për investime dhe shpenzime operative.