Goditën agjentët e BKH dhe Operacionales, arrestohen nipat e Agron Kapllanajt

Pas përpalsjes së mbrëmshme në Fier në mes të hetuesve të Byrosë Kombëtare të Hetimit, BKH, dhe forcave të operacionales me dy nipat e Agron Kapllanajt, mësohet se janë arrestuar Ledjan dhe Klaudio Kapllanaj, si dhe shtetasi Gerald Kollçaku.

Tre të arrestuarit akuzohen për “goditje për shkak të detyrës”.

Ndryshe, ndonëse Agron Kapllanaj është kandidat për deputet i partisë “Djathas 1912” që mbështetë SPAK-un pa rezervë, dhuna e ushtruar nga ithtarët e kësaj partie ndaj hetuesve të Byrosë Kombëtare të Hetimit nuk është asgjë më shumë se ves, i cili u dëshmua edhe në 8 Janarin e vitit kur njerëzit e kësaj partie dhunuan demokratët sepse mbështetnin pa rezervë Partinë Demokratike!

E meqë vesi del me shpirtin, SPAK duhet të ketë kujdes dhe të mos bie në grackë si Rithemelimi i PD!

Njoftimi i Policisë

Fier/Informacion paraprak

Shërbimet e Drejtorisë së Forcës së Posaçme Operacionale në Departamentin e Policisë Kriminale në Policinë e Shtetit, së bashku me hetuesit e BKH-së pasditen e sotme kanë qenë me shërbim në qarkun e Fierit.

Rreth orës 19:20, të mbrëmjes së sotme, në aksin rrugor Fier – Patos, shërbimet operacionale të Policisë dhe hetuesit e BKH-së janë goditur për shkak të detyrës nga disa persona, të cilët janë identifikuar dhe shoqëruar në Drejtorinë Vendore të Policisë Fier për veprimeve të mëtejshme.

Të gjitha veprimet hetimore e procedurale janë duke u kryer nga Prokuroria e Juridiksionit të Përgjithshëm Fier./15 Prill 2025/

Reagimi i BKH:

Byroja Kombëtare e Hetimit konfirmon sulmin që ndodhi mbrëmjen e datës 15 Prill kundër hetuesve të Byrosë Kombëtare të Hetimit dhe oficerëve të Policisë së Shtetit në qarkun e Fierit.

Hetuesit e BKH-së dhe efektivët e Policisë së Shtetit po kryenin detyra hetimore të deleguara, në kuadër të një hetimi të Strukturës së Posaçme kundër Korrupsionit dhe Krimit të Organizuar.

Mbështetur në informacionin e përcjellë nga Drejtoria Vendore e Policisë, Fier (DVP) dhe verifikimet e kryera, ngjarja ka ndodhur rreth orës 19:20 minuta, në aksin Fier – Patos. Ndërsa hetuesit e BKH-së dhe oficerët e Policisë së Shtetit po kryenin detyrën, janë sulmuar pa asnjë motiv nga persona tashmë të identifikuar dhe shoqëruar në DVP, Fier.

Të gjitha veprimet hetimore dhe proceduriale lidhur me ngjarjen janë duke u kryer nga Prokuroria e Juridiksionit të Përgjithshëm, Fier.

SPAK nënvizon se të gjitha veprimet e ndërmarra nga BKH janë në përputhje me ligjin dhe nën vëzhgimin direkt të prokurorëve të posaçëm.

SPAK u bën thirrje qytetarëve të bashkëpunojnë me institucionet e drejtësisë dhe të respektojnë autoritetin e hetuesve dhe Policisë së Shtetit që veprojnë në zbatim të detyrës së tyre. Integriteti dhe siguria e hetuesve të BKH-së dhe efektivëve të Policisë së Shtetit është thelbësore në angazhimin tonë për të luftuar korrupsionin dhe krimin e organizuar./16 Prill 2025/