Goditet banda e trafikut të drogës, financiere këngëtarja socialiste shqiptare, Elsa Lila
Policia italiane sot shkatërroi një organizatë kriminale të trafikut të drogës, ku ra në pranga edhe financierja e kësaj bande, këngëtarja e njohur socialiste shqiptare, Elsa Lila.
“Policia shkatërroi një organizatë kriminale të dedikuar për shitjen e drogës të përbërë nga 13 persona, italianë dhe shqiptarë. Mëngjesin e së mërkurës, hetuesit e skuadrës së lëvizshme të Romës dhe Viterbos filluan zbatimin e 13 urdhër arresteve të kërkuara nga Drejtoria e Rrethit Antimafia të Romës dhe të lëshuara nga gjyqtari hetues i prokurorisë së Romës,” raportojnë mediat italiane duke shtuar:
“Mes 13 të dyshuarve bie në sy emri i Elsa Lilës, 40 vjeçe, këngëtare e njohur në Shqipëri, e cila mbante llogaritë e shitjes së drogës. I përfshirë është edhe boksieri Petrit Bardhi, i njohur si “Titty”, i përfshirë në një tjetër operacion të mëparshëm të antimafias italiane.”
Ndryshe, operacioni i antidrogës, u zhvillua mëngjesin e sotëm në jug të Romës, ndërsa u lëshuan urdhër arreste për 13 persona, të cilët akuzohen për trafik droge, 9 orej të cilëve tashmë kanë përfunduar në pranga. Aktualisht vijojnë kontrollet dhe arrestimet në zonën e Acilias.
Ndërsa Petrit Bardhi është vënë në pranga edhe 7 vite më parë, pas operacioni të koduar “Boksierët”, ku u arrestua dhe kampioni italian dhe evropian i peshave të mesme dhe maksimale, Orial Kolaj, sot për mediat italiane çudit fakti i Elsa Lilës si llogaritare e shitjes së drogës së një bande.
Por shqiptarët përveç se këngëtare të njohur e njohin edhe si socialiste të flaktë që drogën dhe paranë rezultoi se vazhdojnë ta kenë zot edhe në shekullin XXI, pavarësisht se ajo u fut në grevë urie për votën e lirë dhe siç u shpreh ajo, që ky vend të mos ketë uri për lirinë.
“Unë e di mirë Shqipëria do të bëhet zonjë, ashtu si ato zonjat e jashtëzakonshme që sot kanë nëntë ditë të ngujuara. Unë jam Elsa, këtë emër morra në lindje nga prindërit e mi, por sot kam edhe emra të tjerë, unë sot jam Shega, jam Olta, jam Elisa, sot jam Ledi, jam Ermonela, jam Flora, Anila, Mimoza. Sot jam çdo grua e fortë që e do ndryshe këtë vend, që e do këtë vend të lirë, që e do këtë vend të begatë, që nuk do të vazhdojë të mbijë dhe të rritet në këtë vend fara e zezë e urrejtjes, e ndaljes, e përbuzjes, e përçarjes, që do triumfin e dritës mbi errësirën. Kështu do të ndodhë falë jush, falë çdo shqiptari të ndershëm, falë edhe atyre 200 grave dhe burrave të fortë që po luftojnë për lirinë, që ky vend mos ketë më uri për lirinë. Dhe që sot brenda këtyre çadrave nuk do të jenë më 202, por do të jenë 203,” tha Elsa Lila majin e vitit 2010 duke dhënë një kontribut të çmuar në ngritjen e socializmit në Shqipëri me ardhjen e të cilit ky vend u bë i begat me drogë ndërsa fara e zezë e urrejtjes, e ndaljes, e përbuzjes, e përçarjes arriti kulmin, që vend të ketë vetëm uri për lirinë.
