Goditet banda shqiptare, arrestohen 12 trafikantë droge në Itali

Në orët e para të mëngjesit policia italiane e Bergamos ka arritur të realizoj operacionin e koduar “Snowfall” i cili ka çuar në shkatërrimin e një grupi trafikantësh shqiptarë. 

Në pranga u vunë 12 persona, 5 shqiptarë, 4 marokenë dhe 3 italiane. 

Në bashkëpunim me shtetas italianë ata trafikonin drogë të tipit kokainë, heroinë e hashash në territorin e provincës së Bergamos, raporton OraNews.

Hetimet e operacionit kanë zbardhur se me trafikantët shqiptarë vepronte dhe një grup trafikantësh nga Afrika e Veriut,  kryesisht marokenë që furnizonin me drogë konsumatorë të etnive të ndryshme.

Gjatë operacionit janë sekuestruar disa armë zjarri.

Të arrestuarit akuzohen për trafik droge të tipeve të ndryshme e armëmbajtje ilegale armësh zjarri.