Goditet me dron një nga kullat më të njohura në Çeçeni
Një dron ukrainas goditi mëngjesin e sotëm kullën Grozny-City në kryeqytetin çeçen, duke shkaktuar një shpërthim të fuqishëm që shkatërroi disa kate të njërës prej ndërtesave më të njohura të rajonit.
Raportet fillestare u shfaqën në kanalin opozitar çeçen të Telegramit NYISO dhe u konfirmuan më vonë nga grupi ukrainas i monitorimit Exilenova+ dhe portali rus pro-qeveritar Readovka. Pamjet nga vendi i ngjarjes treguan dronin duke goditur kullën diku rreth katit të 28-të, duke rrëzuar fasadën e disa kateve.
Autoritetet çeçene nuk kanë komentuar ende. Në këtë kullë janë disa nga institucionet më të ndjeshme të republikës, duke përfshirë Këshillin e Sigurisë Çeçenisë, ministrinë e Turizmit, Dhomën e Auditimit të Shtetit, Komisionin rajonal të Zgjedhjeve, zyrën lokale të ministrisë së Drejtësisë, zyrat e partisë Rusia e Bashkuar dhe kompanisë shtetërore të naftës Chechenneftekhimprom.
Ukrainian drone strike hit a high-rise in the Grozny-City complex—one of the deepest hits inside Russia, ~1,500 km from the front.
— Clash Report (@clashreport) December 5, 2025
The blast ignited several upper floors of a tower housing key Chechen government offices. pic.twitter.com/dv3IS3Ycki
Sulmet e fundit në Çeçeni
Exilenova+ theksoi se ndërtesa është menjëherë pranë selisë së FSB-së për Çeçeninë, e cila mund të ketë qenë objektivi kryesor përpara se droni të devijohej, ndoshta nga sistemet ruse të luftës elektronike.
Sulmi ndodhi në të njëjtën ditë kur Agjencia ruse e aviacionit Rosaviatsia futi kufizime të përkohshme të fluturimeve në aeroportet në Grozny, Vladikavkaz, Magas dhe Mineraljni Vody për shkak të kërcënimeve në rritje nga dronët.
Ndryshe, ky është sulmi i fundit në një seri sulmesh ukrainase brenda Çeçenisë. Më 2 dhjetor, dronët goditën një strukturë të FSB-së në rrethin Ahkoj-Martan, duke shkaktuar dëme të konsiderueshme.
