Goditet uzina bërthamore në Iran, ja imazhi satelitor

Agjencia Ndërkombëtare e Energjisë Bërthamore, IAEA, ka konfirmuar se godina në hyrje të Uzinës nëntokësore të Poligonit të madh për testim bërthamor në Natanz të Iranit, FEP, është dëmtuar gjatë sulmeve të fundit.
“Bazuar në imazhet satelitore më të fundit në dispozicion, IAEA tani mund të konfirmojë disa dëmtime të kohëve të fundit në godinat në hyrje të Uzinës nëntokësore të Pasurimit të Karburantit Natanz, FEP, të Iranit,” thekson IAEA përmes një njoftimi në rrjetin social X duke përfunduar:

Based on the latest available satellite imagery, IAEA can now confirm some recent damage to entrance buildings of Iran’s underground Natanz Fuel Enrichment Plant (FEP). No radiological consequence expected and no additional impact detected at FEP itself, which was severely… pic.twitter.com/7CS7BRZo1s

— IAEA – International Atomic Energy Agency ⚛️ (@iaeaorg) March 3, 2026

“Nuk priten pasoja radiologjike dhe nuk është zbuluar asnjë ndikim shtesë në vetë FEP, i cili u dëmtua rëndë në konfliktin e qershorit.”

Duke konfirmuar se nuk kishte ndikim shtesë në vetë uzinën bërthamore dhe nuk priten pasoja radiologjike, IAEA thekson se vlerësimi u bë bazuar në imazhet më të fundit satelitore.

Ndryshe, sipas një vlerësimi të mëparshëm të IAEA, pjesa nëntokësore e objektit ishte dëmtuar rëndë në sulmet e qershorit.