“Goja” Edi Ramës sot fliste për luftë! Berisha: Të ngrihemi, përpjekja fundit të rrëzojmë këtë narkoshtet

Duke ritheksuar kërcënimin e fundit nga “goja” e Edi Rama ku fliste për luftë, Kryetari i Partisë Demokratike, Sali Berisha, tha në takimin e Federatës së Opozitës së Bashkuar se shpresa e vetme është opozita, e cila duhet të ngrihet me të gjithë forcën si përpjekje e fundit për të rrëzuar këtë narkoshtet, duke mos përjashtuar diversifikimin e protestave me të gjitha format, në një mision të vërtetë që kërkon sakrifica.

Kryetari i Partisë Demokratike para aleatëve tha se ky takim sot synon t’u shprehë mbështetje të plotë atyre që zbatojnë ligji në këtë vend.

“Së pari, u uroj mirsëardhjen dhe u përshëndes përzemërsisht dhe shpresoj se edhe në emër tuaj, shpreh mbështetjen e plotë të opozitës shqiptare për çdo punonjës të zbatimit të ligjit, punonjës policie, punonjës të shërbimit informativ, punonjës të BKH dhe hetimit, prokurorë, gjykatës dhe të gjithë ata që me ndershmëri, vendosmëri, guxim, integritet dhe kurajo vendosin të zbatojnë ligjin.

Ky takim sot, ndër të tjera synon t’u shprehë mbështetje të plotë atyre që zbatojnë ligji në këtë vend.
Dhe, opozita ka qenë, është dhe do mbetet e përcaktuar për shtetin ligjor, Kushtetutën si kuadri më i mirë për respektimin e lirive dhe të drejtave të qytetarëve.
Natyrisht duke thënë këtë, opozita ka qëndruar dhe qëndron ndaj çdo shkelje, ndaj çdo dhune ligjore të përdorur për qëllime politike.
Dhe këtu, ne jemi të palëkundur në këtë qëndrim.
Por në dallim me të tjerët, opozita nuk ka organizuar, ndonëse ka të drejtë të organizojë, dhunë ndaj organeve të drejtësisë, por është përballur, pavarësisht nga absurditetet që mund të jetë detyruar, ka dëshmuar se në një shtet, Kushtetuta i ndan pushtetet dhe ato duhen respektuar.
Nuk ka bërë atë që ka regjistruar për herë të parë narkoshteti shqiptar, Edi Rama me Erion Veliajn, që rrethuan dhe dhunuan prokurorë, gjykatës dhe hetues, kur u arrestua, kur doli para gjyqit, hajduti i tretë më i madh i vendit,” tha Sali Berisha duke denoncuar çdo formë kërcënimi ndaj njerëzve të ligjit ndërsa “goja” e Edi Ramës sot fliste për luftë.

“Me këtë rast, unë gjithashtu dua të denoncoj çdo formë kërcënimi punonjësve të zbatimit të ligjit dhe familjarëve të tyre, dhe ta garantoj Edi Ramën, se për çdo akt ndaj tyre, për opozitën shqiptare ai do ketë përgjegjësi personale.
Nuk e di a e keni dëgjuar ju, apo jo, njeriu më i afërt, goja e tij pothuaj, fliste sot për luftë. Luftë thoshte, sepse prokuroria po sulmon gratë e pushtetit. Dhe kjo, sipas tij, do çojë vendin në luftë.
E imagjinoni ju?
Të dashur miq, kjo që po ndodh është tipike për një narkoshtet. Mos harroni një zëvendëskryeministër, pa kërkuar prokuroria, pa paraqitur kërkesën për hetim, dorëzoi mandatin dhe postin.
Dhe ky ishte Ilir Meta.
Sapo doli një dokument 100 për qind i manipuluar dhe falsifikuar nga Edi Rama dhe Filip Çakulli.
E faktuar kjo. Sepse kodi etik dhe moral nuk e jetonte, më tha ai mua, nuk mund të shkoj unë si zëvendëskryeministër tek hetuesi. Do shkoj si qytetar i thjeshtë tek ai.
Fatmir Mediu, për një çështje që ishte absolutisht tërësisht e aparatit ushtarak, strikt, dha dorëheqjen nga posti dhe shkoi para hetimit.
Një ministër tjetër, Ilir Rusmali u shkarkua brenda 24 orëve për qëndrimin që mbajti ndaj drejtorit që dënonte korrupsionin. Ilir Rusmali ishte bashkëpunëtori i afërt, por kur shkarkoi drejtorin për shkak të ndërhyrjes së vëllait, Ilir Rusmali u shkarkua. Janë disa norma dhe standarde, nga të cilat ne nuk mund të lëvizim.
Kurse tani ka një muaj që narkoshteti është i gozhduar sepse Lubi Balluku nuk jep dorëheqjen.
Sepse Edi Rama merr hapin e turpit, e çon në Gjykatë Kushtetuese dhe merret një vendim i padëgjuar për t’i hequr pezullimin.
Dhe ka 10 ditë, ditë e natë, që falsifikon dhe modifikon provat.
Unë përgëzoj vendimin e prokurorisë për të kërkuar heqjen e imunitetit dhe arrestimin e saj, si kusht për të mbrojtur interesin publik.
Dhe tani bëhen 100 manovra që ajo të mos shkojë atje ku e ka vendin.
Përkundrazi, flitet për luftë!
Se del dhe Linda tjetër, Linda me radhë, etj.
Nuk ka pasur kurrë një situatë të tillë si kjo. Kurrë!” tha Berisha duke denoncuar Ballukun se ka 300 apartamente, 4 milionë euro shishe vere i janë gjetur Ergys Agasit ndërsa Baxhanaku i Ramës mori 75 milionë euro me një tender.

“Ju e patë se çfarë ndodhi dje në parlament. Dhe tani kërkojnë më shumë se gjysmën e deputetëve nga parlamenti. Po pse janë kështu?
Sepse ai që drejton grupin parlamentar të PS është një kriminel, më kriminel se Suel Çela, më kriminel se Elvis Doçi, më kriminel se Safet Bajri. Po pse?
Se ata rrinë në bodrumet e tyre, kurse ky rri në zyrat e qeverisë dhe i mbron ata. Dhe zbaton urdhrat e tyre. Ua arreston bandat rivale për të marrë votat e tyre.
Shkon liron terroristët në Shkodër, ku mund të kishim me dhjetëra të plagosur dhe të vdekur nga tritoli, në qoftë se tritoli nuk do kishte rënë në tokë. Dhe të gjitha këto janë të dokumentuara.
I akuzuar për vrasjen e avokatit. Dhe janë djegur dokumentet, me procesverbal.
A e kuptoni ku jemi or miq? Në çfarë kushtesh jemi?
Megjithatë është shumë e rëndësishme të ngrihemi në këtë betejë. Kjo është një diktaturë më e egër se e vitit 1990. Se ato ishin në rënie në formë dominoje. Kurse kjo ka lobistë të stërfuqishëm.
Ndërkohë interesat e shqiptarëve shkelmohen çdo ditë. Situatë dramatike.
Unë nuk kam dëgjuar ndonjëherë që në një ndërmarrje private të ketë pasur tre pengmarrje brenda gjashtë muajsh. Kjo është AKSHI, agjencia shtetërore.
Agjencia shtetërore, në të cilën, për të fituar tenderat kunati i Edi Ramës, dhe për dijeni të qytetarëve, vetëm tenderi për përmirësimin e inteligjencës artificiale, 75 milionë euro. Dhe sot po i japin transhin e fundit 25 milionë euro Armand Frangut, i regjistruar si një njeri që përcakton çdo tender, në fakt edhe me ndihmën e kunatës.
Në regjistrim del edhe me ndihmën e kunatës.
Pra, në këtë sipërmarrje, që është sipërmarrja e dytë më e buxhetuar në momente të caktuara në vend, aty për tenderat rrëmbehen një ish-punonjës dhe dy biznesmenë. Dhe e mbajnë fshehur, për Gerond Meçen nuk kishte dëgjuar njeri. Erdhi nga Gjermania, se u arratis atje dhe bëri denoncimin.
Duan të mbrojnë me çdo kusht pasuritë e tyre të krimit.
300 apartamente, thonë mediat, ka Belinda Balluku. Jashtë çdo imagjinate. Po nëse Belinda ka 300, u garantoj se Rama ka të paktën 1 mijë. Prandaj është mbushur me kulla.
Dhe thonë nuk shiten kullat. Po i merrkan qeveritarët kullat. 200 apartamente ajo me paratë e taksapaguesve.
4 milionë euro, i kam të dhënat e fundit direkt shishe vere,70-vjeçare Romanee Conti, të Ergys Agasit.
U garantoj se as në bodrumet e perandorit të Japonisë nuk i gjen ato ashtu. Jo. Dhe aty vinoteka e Edi Ramës,” tha Kryetari i Partisë Demokratike duke folur para aleatëve duke ju bërë thirrje të ngrihen me gjithë forcën si përpjekje e fundit për të rrëzuar këtë narkoshtet.

“Këtu jemi. Nuk kanë asnjë kufi. Ndaj dhe shpresa e vetme është opozita.
Ne duhet të ngrihemi me të gjithë forcën tonë si përpjekje e fundit për të rrëzuar këtë narkoshtet.
Është faktuar gjithçka. Është faktuar farsa elektorale në mënyrën më përfundimtare. Janë faktuar vjedhjet dhe këto janë vetëm maja e ajsbergut. Janë faktuar lidhjet me drogën.
Një gazetë prestigjioze amerikane shkruante se disa agjenci zbulimi i kanë thënë asaj gazete se përfitues kryesor i klaneve të drogës është Edi Rama.
Atëherë, ne duhet të organizojmë format më të vendosura të protestës, të qëndresës, të revoltës.
Këta e kanë asgjësuar parlamentin. Nuk ka parlament. Ju e keni parë, aty hyhet, dilet, e mbyll ai sa fillon.
Zgjedhje të lira. Një qeveri, e cila përgatit zgjedhjet e lira, është kushti i të gjitha kushteve për ne.
Është thirrur data 22.
Protestat tona do të diversifikohen me greva, me greva urie, me të gjitha format, në qoftë se ne përmbushim misionin tonë. Dhe ne jemi të vendosur ta përmbushim.
Të gjithë ne duhet të kemi të qartë se me këtë regjim është jetike protesta e qëndrueshme, revolta e qëndrueshme. Ato janë format që rrëzojnë narkodiktaturat dhe diktaturat.
Angazhimi sa më shumë i të rinjve në këtë betejë, të cilën opozita do të fitojë, shqiptarët do e fitojnë.
Kurrë ndonjëherë nuk kanë qenë… zotërinj e thashë edhe dje dhe do e mbyll, Enver Hoxha që i kishte pa llogari, absolutisht ta keni shumë të qartë, që gjithë korrupsioni i tij në 45 vite diktaturë, korrupsion ekonomik e kam fjalën, nuk them anën gjakësore të tij, por si abuzim, nuk është as gjysma, as çerek i drejtorëve të bashkisë.
Shkoni shihni hotelin ju. Ajo vila e tij nuk u regjistrua ndonjëherë në emër të tij apo familjes. Ishte pronë shtetërore. Shkoni dhe shihni hotelin 70 milionë euro 20-katësh i Erion Veliajt dhe drejtorit të bashkisë.
Këta nuk kanë asnjë të përmbajtur. Mediat i kanë korruptuar gjer në palcë dhe bëjnë avokatinë e tyre,” tha Kryetari i Partisë Demokratike, Sali Berisha, duke përfunduar:
“Pra, mision. Opozita është në një mision të vërtetë. Në një mision që kërkon sakrifica.
Dhe unë jam i bindur se janë qindra dhe mijëra shqiptarë të gatshëm për sakrifica.”