Gomari që s’të bën punë!
Agim Popoci
“Nëse të pëlqen ngjyra e gomarit që fle, apo e atij që është në këmbë dhe ngarkon drutë. Merr gomarin që të bënë punë dhe s’je i detyruar që ta pëlqesh!” Ishte kjo këshilla e Kryeministrit Edi Rama nga Kombinati në Tiranë ndërsa po fliste për të ardhmen e Shqipërisë pa Program ama me gomarë edhe pse nuk u sqarua se çfarë duhet bërë kur gomari s’të bën punë!
Por nuk ka edhe nga ta dijë njeriu që urren traditën dhe historinë shqiptare e cila na mëson shumë madje dhe për faktin se çfarë duhet bërë, jo kur një gomar s’të bënë punë 8 vjet por edhe 8 dekika!
Kur një fshatar doli në treg për të blerë një gomar, filloi të përzgjedhë llojin dhe po shikonte çmimet që shkonin nga 1.2 deri në 1.4 milionë lekë, pa njërin që kishte një gomar që po e shiste 800 mijë lekë.
Iu afrua të shkretit dhe po e pyet se çfarë ka gomari që po e shiste aq lirë dhe nëse do ti bënte punë, ai i tha:
-Është b..q… zotëri!
-Po ç’lidhje ka kjo, e kam për ngarkesë të druve, tha ai që po e blinte gomarin, e pa edhe një herë rreth e rrotull, i dha lekët dhe iku!
Kur shkoi me gomarin në fshat, pronari i ri i provoi ti vinte samarin por ai nuk po rehatohej dhe po gjuante shkelma. E la pak të qetësohej, provoi sërish por kot, kështu dhe shumë herë të tjera dhe hoqi dorë nga ky gomar. Të dielën e ardhshme doli me gomarin në treg me shpresën se do ta gjente njeriun nga i cili kishte blerë gomarin që t’ia kthente. U gëzua pa masë kur e pa, iu afrua me gomarin dhe po i qante hallin që e kishte zënë:
-Unë mora gomarin dhe ika në fshat, doja ti veja samarin as që bëhet fjalë, e unë i shkreti për ta ngarkuar me dru e mora!
-Të thash o zotëri që është b..q…! Kur është b..q… tana i bënë, i tha me bindje fshatari që nuk po i bënte përshtypje pse ky nuk arriti t’ia vejë samarin, gomarit që kishte shitur!
Për këtë gomarin tonë, që është b..q… duhet ta kemi me provë ama që është komunist kjo nuk diskutohet! Rasti është analog sepse edhe kur është komunist tana i bën dhe këtë e kemi me provë!
8 vjet më parë erdhi në pushtet duke premtuar shumë, por deri më sot nuk realizoi asnjë projekt madhor, madje as një projekt sa ai i paraardhësit! Por shqiptarët duhet t’ia pranojnë se projekte në 3D kishte dhe ka me shumicë ashtu siç kishin paraardhësit e tij komunist!
8 vjet më parë u mundua të na bindë se sa e dëmshme është taksa e sheshtë dhe sa shumë të mira ka taksa progresive. Sot kur ka dështuar me këtë politikë, kur pasuroi vetëm njerëzit rreth vetes në takimet elektorale nuk flet më për të mirat e kësaj takse.
8 vjet më parë fliste për shëndetësinë falas sot kur nuk kemi as shëndetësi është kapur për vaksinë anticovid dhe nuk e lëshon dot pavarësisht nëse është e Stalinit apo Maos.
8 vjet më parë shkatërroi Lazaratin në emër të luftës kundër kanabisit dhe më pas kanabizoi gjithë vendin!
8 vjet më par filloi arrestimin e të gjithë atyre debitorëve të energjisë elektrike që nuk kishin 20 mijë lekë për të paguar faturat dhe u transmetuan mijëra kronika televizive; Por askush nuk pa qoftë dhe një debitor pronar hoteli ose karburanti që iu nënshtrua këtij “çarmatimi komunist”!
8 vjet më parë fliste për porte dhe peshkim që do të gëzojnë shqiptarët, dhe sot u thotë me Lucën dhe Fajën e tij, se si i jep 1.5 milionë euro për peshkimin dhe pret nga ata 200 milionë euro eksport peshku. E peshku që kcente nga belaja e Edi Ramës për të fituar zgjedhjet për herë të tretë, dëgjoi në Durrës se edhe peshkatarët ndahen në malok dhe jugor, ashtu si portet dhe vjelja e taksës së peshkimit. Për ata që s’e kuptuan Edin, Lucën ose Fajën sot Kryeministri tha se atyre që nuk pëlqejnë të paguajnë taksë, “amanet mushkat”!
Në këtë lukuni gomerësh dhe mushkash të kuqe, ku varfëria që prodhoi kjo kastë kriminale sunduese ka arritur kulmin, komunisti Edi Rama padyshim është shumë më i rrezikshëm se 8 vjet më parë madje edhe se Enver Hoxha 45 vjet më parë; Jo vetëm pse kemi të bëjmë me një Gomar që s’të bën punë, por kasta e tij është një mutacion i kriminelëve që shkatërruan, përdhunuan, internuan dhe vranë qindra mijëra shqiptarë dhe sot për bëmat e të parëve të tyre jo që nuk mendojnë të kërkojnë falje por mburren dhe i dekorojnë me arsyetimin se kanë zbatuar Ligjin!
