Grabiti një pikë bastesh në Itali, shqiptari arrestohet në Rumani. Ja emri…

Dy vjet i janë dashur karabinierëve të Nor di Tortona në Itali që të arrestojnë shqiptarin në kërkim ndërkombëtar, Mirijan Musteqja, i akuzuar si një nga personat e përfshirë në grabitjen e 10 mijë eurove në një pikë të basteve në komunën Tortona, në prill të vitit 2015.

Sot, mediat italiane raportojnë se Mirijan Musteqja është arrestuar në Bacau të Rumanisë .

Ditën e ngjarjes, dy persona të maskuar u futën në pikën e basteve në rrugën “Arzani“ dhe terrorizuan kasieren e punonjësen e pastrimit me një pistoletë. Pasi morën paratë, dy grabitësit u larguan nga vendngjarja me një “Opel Astra”, të drejtuar nga një bashkëpunëtor.

Në një kohë të shkurtër, efektivët identifikuan e arrestuan dy nga tre personat e përfshire në grabitje. Ndërsa Musteqjia, ndaj të cilit rëndonte një urdhër-arresti europian, u arrestua më 31 korrik 2018 e më pas u ekstradua në Itali, ku u dërgua në burgun “Rebibbia” në Romë.