Grabitja në Aeroportin e Rinasit/ Reagimi, “Austrian Airlines”: S’ka më transferta…

“Nuk do të ketë më transferta cash të parave nga Tirana drejt Vjenës”. Kështu deklaron për të përditshmen britanike “The Guardian”, kompania “Austrian Airlines”, në avionin e së cilës u grabitën dje në Aeroportin e Rinasin, miliona euro. 

Zëdhënësja e “Austrian Airlines”, Tanja Gruber ka sqaruar se në momentin që ndodhi vjedhja paratë po ngarkoheshin në avion.

“Imbarkimi i pasagjerëve sapo ishte kryer. Nuk ka pasur asnjë rrezik për stafin dhe pasagjerët,” tha Bruber.

Ndryshe, për shkak të grabitjes, nisja e avionit u shty për tre orë. Sipas të dhënave nga Tirana International Airport, avioni u nis në 18.02 pasdite nga ora 15:05 pasdite që ishte planifikuar.

Ndryshe, sipas medias britanike, policia shqiptare ka njoftuar arrestimin e katër personave dhe ka marrë në pyetje 40 të tjerë. Sipas raporteve fillestare, shuma e vjedhur ishte 2.5 milionë euro (2.8 milion dollarë), por media lokale pretendoi se mund të ishte pesë herë më e lartë.