Grabitja në Rinas/ “E gjeti fajtorin”, Ministri i Brendshëm: Fajet i ka ky Parlament!
Kur “Opozita e Edi Ramës” kërkoi interpelancë me Ish-Gjeneralin Sandër Lleshaj për grabitjen e 9 Prillit në Aeroportin e Rinasit, të gjithë u tronditën se çfarë ka për të shtuar Ministri i Brendshëm pas asaj dalje publike të turpshme ku asryetoi çdo veprim të policisë dhe fajtor la vetëm koncesionarin.
Por interpelanca e sotme, përveç se nuk zbuloi asnjë detaj lidhur me grabitjen tregoi se të paaftë kemi edhe FNSH-n ndërsa sqaroi opinionin pse Edi Rama mbanë një Ministër të Brendshëm kaq të paaftë.
Ish-Gjeneral Sandër Lleshaj tha se FNSH-s nuk iu hapën dyert nga koncesionari, ndërkohë dihet misioni i Forcës së Ndërhyrjes së Shpejtë. Nëse ajo pret të marr leje nga një menaxhues aeroporti për ti hapur derën sepse në pistën e Aeroportit po ndodh hataja atëherë ai duhet të merret me korigjimin e Ligjit të Ministrisë së Brendshme dhe strukturave të policisë dhe jo koncesionit dhe Marrëveshjes. Dhe jo vetëm kaq!
Ndërsa ka evidentuar 12 probleme të mëdha në Aeroportin e Rinasit, ai tha asnjë nga këto nuk është marrë në konsideratë nga koncesionari:
“Kemi pasur rreth 12 komunikime zyrtare ku policia i kërkon marrje masash për mangësi të konstatuara, kurse në kthimet e përgjigjeve, citoj njërën në 2016, TIA shprehet se kompania përmbush dhe zbaton të gjitha detyrimet, gjithashtu sqaron se komunikimin e ka me Autoritetin Civil, pra i thotë policisë se nuk merremi me ju, ose në raste të tjera ka heshtur
Vërejtët kryesore të bëra nga Policia janë portat e papërshtatshme, rrethimi i jashtëm pa sensorë, kamerat jashtë funksionit, ndriçimi i pistës i pamjaftueshëm, zona e tranzitit po ashtu, shërbimet e sigurisë të pamjaftueshme e të paplota.
Janë të paktën 12 probleme të mëdha që janë evidentuar në kohë nga autoritetet përkatëse”, tha ai.
Ministri i Brendshëm tha se grabitja është kryer nga profesionistë, thuase dikush e vuri në dyshim:
“Masat pas ngjarjes janë të menjëhershme, hymë brenda aeroportit dhe morëm sigurinë, përfshirë edhe sallën e monitorimit të kamerave që ishte e ndaluar për Policinë e Shtetit, perimetri i jashtëm është tashmë nën mbikëqyrjen e Forcave të Armatosura.
Grabitësit për një kohë shumë të shkurtër përfunduan brenda tunelit dhe i humbën vëmendjes së policisë.
Masat e marra, reagimi i shpejtë i policisë kanë siguruar prova që japin shpresë të madhe në sukses për hetimin dhe zbardhjen e ngjarjes. Ky ishte episod i një serie ngjarjesh me të njëjtët autorë, ngjarja do zbardhet përfundimisht. Nuk ka qenë një rast i thjeshtë, grabitje me autorë profesionistë që kanë shpërthyer edhe zona sigurie më të mëdha, kanë shpërthyer burg të një vendi në BE, kanë vrarë punonjës policie dhe nuk është arritur të kapen, këtu kemi një sukses fillestar.
Garantoj qytetarët dhe deputetet që siguria e aeroportit është e garantuar dhe me masat në vijim arrin në nivele që na japin qëndrueshmëri të gjatë. Për të gjithë ata që e keqpërdorin këtë situatë, u them që nuk është apokaliptike, nuk është e vetmja ngjarje në botë, aeroporte e zona të tjera të sigurisë janë goditur jo tek ne por edhe në vende shumë më të fuqishme se ne, Gjermani, Nju Jork, Bruksel, Meksikë. Më 18 shkurt 2013, 8 të armatosur hynë në pistë në Bruksel dhe vodhën 16 mln dollarë diamante”, tha Ish-Gjeneral Lleshaj për të sqaruar më në fund se si mund të mbahet një njeri kaq i paaftë për Ministër të Brendshëm:
“Me ligj, miratuar para 15 vitesh, përgjegjësia i është transferuar kontraktori privat, nuk do ta kisha votuar kurrë këtë vendim, por duhet ta dini se vendimi për këtë, është marrë në këtë Kuvend dhe është pranuar, toleruar, pëlqyer 15 vite me radhë dhe ju e dini fort mirë se kush ka qenë në karrige gjatë 15 viteve. U njoftua me vonesë policia e shtetit, pasi e kishte marrë në rrugë të treta njoftimin për ngjarjen dhe cenimin e sigurisë, në mënyrë zyrtare kompania njoftoi sallën e Rinasit 6 minuta e 30 sekonda më vonë nga nisja e ngjarjes. TIA njoftoi aviacionin civil shqiptar 30 minuta pasi ndodhi ngjarja. Policia ka tentuar të hyrë brenda, por porta nuk ishte hapur pasi e ka në komandë kompania e sigurisë së aeroportit,” tha Ish-Gjeneral Sandë Lleshaj duke i dhënë vulën kësaj grabitje: Fajet i ka ky Parlament!
