Grabitja në Rinas/ Thelbi, Ish-Presidenti: Bandat nuk kanë frikë nga shteti…

Tentativën për ti hedhur tym publikut me gjoja “shkëmbime zjarri” nga policia me bandën terroriste që grabiti avionin Austrian Airlines, Ish-Presidenti Bujar Nishani e vlerëson po aq kriminale sa grabitjen e miliona parave prej bandës, që tashmë do të paguhen nga taksat e njerëzve të thjeshtë.

“Nëse do të kishte patur një shkëmbim zjarri, ai do të kishte ndodhur përpara se banda të mbërrinte tek avioni. Por në fakt ky nuk është problemi i vërtetë e më madhori,” thekson Ish-Presidenti përmes një reagimi në rrjetin social Facebook duke shtuar se këto probleme mbeten në hije nga thelbi i revanshit të krimit dhe terrorit:

“Çështja themelore është sepse bandat dhe terroristët e këtij lloji siç ishte dhe ai i fundit, nuk kanë frikë nga askush. As nga shteti, as nga ligji, as nga policia, as nga ruajtja e as nga siguria, “vlerëson Ish-Presidenti dhe
Kryetari aktual i Këshillit Kombëtar të PD duke konstatuar se ata askush nuk i ndjek, askush nuk i heton, askush nuk i shqetëson, askush nuk i turbullon, ndërsa përfundon:

“Një qeverisje e ardhur nga krimi pjell vetëm krim, bashkëjeton vetëm me krimin dhe prodhon veç terror.”

Ja postimi i plotë:

Tentativa për ti hedhur tym publikut me gjoja “shkëmbime zjarri” nga policia me bandën terroriste që grabiti avionin Austrian Airlines, është po aq kriminale sa grabitja e miliona parave prej bandës, që tashmë do të paguhen nga taksat e njerëzve të thjeshtë.

Nëse do të kishte patur një shkëmbim zjarri, ai do të kishte ndodhur përpara se banda të mbërrinte tek avioni.

Por në fakt ky nuk është problemi i vërtetë e më madhori.

As ai i mosmarrjes së masave pas disa grabitjesh spektakolare në mes të ditës, e në mes të kryeqytetit.

Këto probleme mbeten në hije nga thelbi i revanshit të krimit dhe terrorit.

Çështja themelore është sepse bandat dhe terroristët e këtij lloji siç ishte dhe ai i fundit, nuk kanë frikë nga askush. 

As nga shteti, as nga ligji, as nga policia, as nga ruajtja e as nga siguria.
Sepse ata askush nuk i ndjek, askush nuk i heton, askush nuk i shqetëson, askush nuk i turbullon.

Një qeverisje e ardhur nga krimi pjell vetëm krim, bashkëjeton vetëm me krimin dhe prodhon veç terror.