Grafite në veri të Mitrovicës: Albin Kurti do jetë i vdekur!
Derisa Presidenti i Serbisë, Aleksandar Vuçiç, ndërsen serbët e Kosovës kundër Qeverisë Kurti, ndërkohë Kryeministri i Kroacisë, Andrea Plenkoviç paralajmëron luftë civile në Serbi, në veri të Mitrovicës serbët po bëhen gati për ndryshime dhe kërcënojnë Kryeministrin në detyrë Albin Kurti me vdekje.
“Nga Kosova agon dita, Albin Kurti do jetë i vdekur,” ishte mesazhi i grafitit në veri të Mitrovicës, autorët e të cilit e kishin publikuar edhe në rrjetin social Telegram të sigluar si Grupi “Korridor”
Ndërkohë edhe Policia e Kosovës e ka konfirmuar këtë grafit i cili, sipas PK ishte shkruar mbrëmjen e së martës.
“Mbrëmë pas orës 21:00 në rrugën “Vasilije Ostrovski” në Mitrovicë të Veriut, në mur është shkruar një shkrim adresuar kryeministrit Albin Kurti. Pas konsultimit me prokurorin kujdestar rasti është inicuar si “Kanosje”. Nuk ka të dyshuar e as të arrestuar. Shkrimi i njëjtë me pamje grafike ishte vendosur më herët në rrjetin social Telegram,” ka sqaruar Zv/Ddrejtori i Policisë për rajonin e Veriut, Veton Elshani.
Ndryshe, për Listën Srpska dhe Aleksandar Vuçiçin, Kryeministri në detyrë Albin Kurti është fajtor kryesor për situatën e krijuar në Kosovë, por për gjithçka çfarë po ndodhë tashmë në Veri dhe jo vetëm, është paralajmëruar nga Kryeministri i Kroacisë, Andrea Plenkoviç, në Forumin Strategjik të Bledit, aty ku Kryeministri i Shqipërisë Edi Rama kishte shkuar të bëjë rolin e kllounit!
“E keni Banjskën, e cila në vitin 2023 kaloi pa asnjë vërejtje serioze ose artikulim nga ndonjë në BE, sikur po bëhemi se nuk ka ndodhur. Ky është realiteti. Duhet të jemi me të vërtetë të kthjellët rreth zgjerimit dhe kontekstit global që po ndryshon. Unë jam për zgjerim, mendoj se të gjithë po përpiqen të anëtarësohen, por ata duhet të stabilizohen politikisht,” tha Kryeministri i Kroacisë duke fol për realitetin politik në Ballkanit Perëndimor, ku sipas Andrea Plenkoviçit, Serbia është në prag të luftës civile.
“Keni Maqedoninë e Veriut, e cila është bllokuar. Keni Serbinë, me më shumë se dy vjet trazira të brendshme më të mëdha, më të forta dhe më serioze dhe demonstrata, në prag të luftës civile!”
