Grekët do të protestojnë kundër kompromiseve për emrin me Maqedoninë

Grekët kundërshtojnë kompromiset për emrin me Maqedonisë. Këtë  kundërshtim ata do ta shfaqin edhe përmes protestave të cilat planifikojnë ti mbajnë në disa qytete të veri të Greqisë javën e ardhshme.

Organizatori, Michalis Patsikas, tha për media se ai pret zhvillimin e protestave më të mëdha në 13 qytete në territorin e Provincës greke të Maqedonisë, që gjendet në kufi me vendin e Ballkanit.

Protesta mund të zhvillohen edhe në qytete tjera, ka thënë Patsikas, duke parashikuar se në këto organizime do të marrin pjesë 3 milionë persona.

Liderët e Greqisë dhe Maqedonisë kanë thënë këtë javë se janë afër arritjes së marrëveshjes për emrin e ri të Maqedonisë.

Kundërshtimet nga ana e Greqisë për përdorim e këtij emri nga ana e vendit fqinj ka bllokuar tentimet e Maqedonisë për t’u anëtarësuar në Bashkimin Evropian.

Ndonëse liderët e të dyja shteteve është raportuar se janë afër arritjes së marrëveshjes për ndonjërin nga emrat si “Maqedonia e Epërme” apo “Maqedonia e Re”, planet për protesta tregojnë se publiku kundërshton çdo kompromis./RFE/