Greqi, 22-vjeçari i gjetur i vdekur në Chania mund të jetë vetëvrarë

Shqiptari 22 vjeç, i cili u gjet i vdekur mëngjesin e kësaj të premteje në plazhin e Chania-s në Greqi, dyshohet se është vetëvrarë.

Por raporti i mjekësisë ligjore dhe hetimet nga oficerët e policisë së Chania-s do të hedhin dritë mbi rrethanat e vdekjes së 22-vjeçarit, raportojnë mediat greke, duke cituar burime policore.

Mediat greke i referohen një letre lamtumire që viktima kishte lënë për familjartë, duke u shpjeguar arsyet se përse kishte vendosur ti jepte fund jetës.

22-vjeçari, identiteti i të cilit nuk bëhet ende i ditur nga raportimet e mediave lokale, ishte banor i përhershëm i Chania-s ku jetonte bashkë me familjen.