Greqi, një gomone shqiptare me drogë tenton të futet në Turqi. Shkëmbim zjarri…

Një gomone e nisur nga Shqipëria dhe e ngarkuar me drogë ka tentuar të futet në ujërat turke pasi kishte përshkruar gjithë hapësirën detare të Greqisë.

Në Mitilini, në operacionin ku morën pjesë 10 skafe të policisë greke, 1 avion i FRONTEX dhe 1 helikopter i policisë greke, gomonia është rikthyer në ujërat greke pasi policia turke ka bllokuar futjen e saj me 3 persona në ujërat e Turqisë. Në këto momente snajperistët nga helikopteri kanë qëlluar disa herë por gomonia vazhdoi të lundrojë.

Burime nga policia greke deklarojnë se është arritur të kapet njëra prej gomoneve më herët pasi trafikantët kanë pasur dy gomone. Ndërkohë operacioni ka vazhduar për kapjen e gomones tjetër.