Greqi, për 1.5 ton kanabis – 114 vjet burg, vetëm 2 baronët shqiptarë 47 vjet burg
114 vjet burg dhe 540 mijë euro është dënimi dhënë nga Gjykata e Pireut për një grup trafiku ndërkombëtar të drogës që u kap në prill të këtij viti me 1.5 ton drogë kanabis, e ku në mesin e të arrestuarëve kishte edhe shqiptarë.
Sipas prokurorisë greke, më 7 prill 2017, anëtarët e organizatës kishin shkarkuar ngarkesën e drogës në bregdetin italian dhe u kapën pas një ndjekjeje në ujërat e Greqisë. Ndjekja u realizua me anije, helikopterë dhe pjesëmarrjen e snajperëve. U shënuan edhe të shtëna me armë zjarri. Në fund, tre skafistë shqiptarë u arrestuan. Sipas autoriteteve italiane, vlera e ngarkesës së drogës arrinte në 10 milionë euro.
Bisedat e transkriptuara të autorëve të përfshirë në dosje konfirmuan pjesëmarrjen e tyre aktive në trafik.
Dënimet e dhëna nga gjykata e Pireut
– Si drejtues të grupit, dy shqiptarët, baronë të trafikut të drogës, u dënuan me 23 e 100.000 euro dhe 24 vjet burg e 250.000 euro.
– Tre shqiptarë të tjerë që ishin në bordin e gomones, dy u dënuan me 14 vite burg, ndërsa një tjetër me 13 vite burg. Pas shlyerjes së dënimit, do të depërtohen në Shqipëri.
Siç raporton “Zougla”, të pandehurit i shpëtuan dënimit përjetë vetëm sepse më parë nuk rezultuan të përfshirë në aktivitete kriminale.
– Një avokat i njohur në Pire u shpall fajtor si bashkëpunëtor dhe u dënua me 14 vjet burgim dhe një gjobë prej 70.000 euro.
– Një nga dy prej vëllezërve grekë të arrestuar gjatë hetimeve, biznesmenë në Athinë, u dënua me 13 vjet burg dhe një gjobë prej 60.000 euro. Vëllai i dytë u lirua.
– Shtetasi i katërt grek, i cili u arrestua dhe ishte një operator vinçi i angazhuar në transferimin e anijeve, u dënua me 13 vite burgim dhe një gjobë prej 60.000 euro.
