Greqi, shpërthim në një traget, katër të lënduar

Katër persona janë lënduar mëngjesin e sotëm pas një shpërthimi në tragetin “Blue Horizon” në Heraklion të Kretës në Greqi.

Mediat greke raportojnë për djegie serioze në pjesë të ndryshme të trupit të personave të lënduar që u transportuan në spitalin rajonal ndërsa njëri prej tyre është në rrezik për jetën.

Paraprakisht dyshohet se shpërthimi ndodhi në njërin prej tankerave të ujit të nxehtë teksa trageti ishte në port duke shkaktuar alarm në zonë.

Pas shpërthimit, policia dhe një numër i madh autoambulancash kanë mbërritur në vendin e ngjarjes.