Greqi, tërmet i fuqishëm trondit Kretën

By Pa frike Last updated Tet 12, 2021 601

Një tërmet i fuqishëm ka goditur sot Kretën në Greqi. Mësohet se lëkundjet e tërmetit i cili ra në 12:24 me orën lokale ishin me magnitudë 6.3 të shkallës Rihter, thellësi 10 km dhe epiqendër 51 kilometra nga Sitia, e 124 kilometra nga Irakleione, raporton Qendra Sizmologjike Mesdhetare, EMSC.

Pas kësaj goditje të fuqishme, EMSC raporton një pasgoditje vetëm 12 minuta më vonë me magnitudë 4.5 të shkallës Rihter, thellësi 15 kilometra dhe vetëm 27 km nga Sitia.

Ndërsa pasgoditja e radhës që ishte një shenjë e mirë për qetësimin e tokës, u shënua në orën 12:40 me roën lokale, me thellësi 2 kilometra, 22 kilometra nga Sitia dhe 103 kilometra nga Irakleione.

Deri më tani nuk raportohet nëse ka persona të lënduar apo dëme materiale por tërmeti ka shkaktuar panik të madh në Kretë..