Greva në doganën greke/ Policia jep njoftimin e rëndësishëm për udhëtarët

Policia e Shtetit njofton se në të gjitha pikat e kalimit kufitar me shtetin grek si pasojë e grevës që do të zhvillohet nga dogana greke, duke filluar nga ora 07:00 e ditës së mërkurë, datë 30.05.2018 deri në orën 07:00 të ditës së enjte datë 31.05.2018, nuk do lejohet qarkullimi për të gjitha mjetet motorike dhe kalimi do të jetë i hapur vetëm për këmbësorët,

“Kërkojmë mirëkuptimin e të gjithë drejtuesve të mjeteve të cilët kanë planifikuar të udhëtojnë në këtë afat kohor në drejtim të shtetit grek të anullojnë lëvizjet deri në rifillimin e punës nga dogana greke, me qëllim shmangien e radhëve dhe të konfuzionit në pikat e kalimit”, thuhet në njoftimin zyrtar të policisë.