Grevë në Aeroportin e Münichut, anulohen mbi 700 fluturime

Mbi 700 fluturime janë anuluar në Aeroportin e Münichut për shkak të grevës, njoftoi menaxhmenti i aeroportit.

“Nga 830 fluturimet e planifikuara, janë vetëm rreth 100,” tha një zëdhënës i aeroportit, i dyti ky më i madhi në Gjermanisë.

Sindikata Verdi u ka bërë thirrje punonjësve të shërbimit të sigurisë dhe trajtimit të pasagjerëve në një grevë dyditore që pritet të zgjasë deri të premten në mbrëmje.

Greva po prek edhe shtetin federal të Bavarisë, ku javën e ardhshme nisin festat e karnavaleve, gjatë të cilave shumë familje me fëmijë planifikonin të udhëtonin me pushime.

Në grevë hynë edhe punonjësit e transportit publik të qytetit dhe shërbimeve postare.

Greva në Aeroportin e Münichut, e cila është qendra ajrore më e rëndësishme ndërkombëtare në Gjermani pas Frankfurtit, është e fundit në një seri grevash të thirrura nga sindikata e punonjësve publikë dhe të shërbimeve.